Обама ўз ёрдамчисига куёвжўра бўлди

Жамият 11 Январь 2017 11226
Фото: Twitter

Интернетда АҚШ президенти Барак Обама ўз ёрдамчисига куёвжўра бўлган тўй маросимидан суратлар пайдо бўлди. Фотосуратлар ижтимоий тармоқларда ва BuzzFeed сайтида чоп этилди.

Washington Post нашрининг хабар беришича, Обама гольф бўйича шериги ва ёрдамчиси Марвин Николсон ва келин Хелен Пайчичнинг тўйида куёвжўра бўлган. Тўй Флориданинг Сент-Жонс дарёсидаги қароргоҳда бўлиб ўтган.

Николсон Обамага бутун президентлик муддати давомида ёрдам бериб келган. У Обаманинг сафарларини режалаштириш учун жавоб берган ва унга гольф ўйини ёки самолётда кетаётганда қарта ўйинларида шериклик қилган.

Келин ҳам охирги вақтларда Обама маъмуриятининг таълим департаментида ишлаган. Келин-куёв Обамага 2008 йилги кампаниясида ёрдам беришган, келиннинг отаси Стив Пайчич эса Обаманинг кампаниясига маблағ йиғиш билан шуғулланган.

Обама тўйга рафиқасисиз келган, унга бир неча нафаргина ёрдамчиси ва смокинглар кийиб олган махсус хизмат ходимлари ҳамроҳлик қилишган.

Тўйда шунингдек АҚШ давлат котиби Жон Керри ҳам иштирок этган. Николсон Обама қўл остига ишга ўтишдан аввал Керрининг ёрдамчиси бўлиб ишлаган.

 

Кун янгиликлари
Ўзбекистон ҳафталиги: Президентнинг водий сафари, овозаси чиққан 11 йиллик таълим, ўзбеклар ҳалок бўлган бахтсиз ҳодиса ва бошқа хабарлар
22:41 / 25.06.2017 19497 Жаҳон
Қобил қори Одилжон ўғли: “Ҳайит мотам эмас, хурсандчилик кунидир”
17:44 / 25.06.2017 39784 Жамият
“Макрон формуласи” Донбассдаги можарони ҳал қилишда ёрдам берадими?
17:02 3 Жаҳон
Еврокомиссия Google’ни 1 млрд евролик жаримага тортмоқчи
Шавкат Мирзиёев Рамазон ҳайити куни беморлар ҳолидан хабар олди
Сан-Паулуда автомобиль скейтбордчиларга қараб ҳайдаб борилди (видео)
16:00 1852 Жамият
BMW компаниясида ишловчи ўзбекистонлик орзусидаги иш ҳақида
15:51 7997 Lifestyle
Мессининг хайрия фонди 10 млн евролик даромадни яширган
15:38 1263 Спорт
Facebook сериаллар ишлаб чиқариш билан шуғулланади
Трамп G20 саммитида Путин билан кенг кўламли учрашув ўтказмоқчи
15:14 2641 Жаҳон
Кўпроқ янгиликлар