Обама ўз твитларини олиб кетмоқда

Жаҳон 11 Январь 2017 7574
Фото:Christian Charisius/dpa via AP

АҚШнинг 44-президенти Барак Обама ўз сиёсий фаолияти давомида интернетдан фойдаланувчи ҳамда Twitter’да саҳифа юритган илк сиёсатчилардан бири бўлди. Бироқ Обама интернет кампанияларини муваффақиятли юритиш тажрибасини Ҳиллари Клинтонга етказа олмади, бу унинг президентлик сайловларидаги муваффақиятсизлигида асосий роллардан бирини ўйнади. “Газета.ру” нашри Обама ва интернет мавзусига тўхталиб ўтди.

Интернет Барак Обама учун сайловчилар билан муҳим алоқа воситаси эканлиги унинг президентлик лавозими учун биринчи кураши давридаёқ аён бўлди. Ҳозирда сиёсатшунослар 2008 йилги сайловлар электрон сайлов кампанияси каби феноменнинг пайдо бўлишига олиб келгани ҳақида дадил айтишлари мумкин.

Ўз рақиби – республикачи Жон Маккейнни – Обама айнан онлайнда мағлуб қилган.

Обама ўзининг технологиялар ва ўша пайтдаги BlackBerry смартфонига содиқлигини намоён этаётган бир вақтда унинг жамоаси тармоқлар орқали вирус каби оммалашган чорловлар ва видеороликларни кенг тарқатишди.

Таъкидлаш жоизки, Обама президентлик даврида BuzzFeed нашрининг доимий меҳмони бўлди. Бу вақтда эса бошқа сиёсатчилар ўз матбуот котиблари орқали жиддий агентликларга маълумот беришган.

Америка президенти эса мем ва тестларга ихтисослашган онлайн-медиа журналистлари билан суҳбатлашган.

Биринчи рақамли хоним Мишель Обама ҳам бу масалада турмуш ўртоғидан қолишмаган. 2016 йилнинг мартида у The Verge IT-нашрига интервью берди ва Оқ уйда ижтимоий тармоқлар қандай қўлланиши ҳақида сўзлади.

Сиёсатчи ҳатто видеоблогер ролида намоён бўлишдан ҳам тортинмаган. У ўз тарғиботини телевидение эмас, YouTube-канал орқали юритиб, таваккал қилган. Обама президентлик пойгасига салмоқли интернет ресурси билан киришди.

Ўша пайт унинг Facebook ижтимоий тармоғидаги дўстлари сони 2 миллиондан зиёд бўлиб, унинг Twitter микроблоги сервисидаги саҳифасига 125 мингдан ортиқ киши ёзилганди. Маккейнда эса – 622 минг (Facebook) ва 3 минг (Twitter) фолловер бўлган.

Бироқ Twitter узоқ вақт давомида Обаманинг ўзи эмас, унинг штабидаги ходим томонидан юритилган. 2015 йилда POTUS — President of the United States (АҚШ президенти) аккаунти пайдо бўлди.

Бугунги кунда ушбу аккаунтни доимий кузатувчилар сони 13 миллиондан ошган, унинг жамоаси юритувчи аккаунтда эса – 80 миллион.

Шуниси қизиқки, Барак Обама "Гиннеснинг рекордлар китоби"га ўзига хос натижа билан киришга муваффақ бўлган – у Twitter’да ўз аккаунтини яратган илк беш соат ичида 1 миллион фолловерга эга бўлган.

2017 йилнинг 20 январидан @POTUS Американинг 45-президенти тасарруфига ўтади.

Обаманинг барча твитлари унинг янги, расмий микроблоги - @POTUS44’га кўчирилади.  

Барак Обаманинг 2012 йилги сайловолди пойгасидаги твити ўша пайт учун рекорд натижадаги ретвитлар ва лайкларни тўплади. Унинг рекордини 2014 йилда “Оскар” мукофотида олинган селфи, 2016 йилда эса Дональд Трампнинг твитигина ортда қолдиришга муваффақ бўлди.

Обама жуфтлиги томонидан интернет орқали тарғибот олиб бориш оммалашганига қарамай, демократлар номзоди Ҳиллари Клинтон ўз партиядошининг тажрибасини қўлламади ва ундан фарқли равишда, дижитал муҳитда фаол бўлган республикачига мағлуб бўлди.

АҚШ ва Россия ўртасидаги танг муносабатлар туфайли рунетда “Обама айбдор” меми пайдо бўлди. Инглиззабон фойдаланувчилар хотирасида эса Обама ўзининг «Yes, we can» (“Ҳа, биз уддаладик”) шиори ва «not bad» (“ёмон эмас”) юз ифодаси билан муҳрланиб қолади.

Обама селфидан чарчади, ўз ваколатларини тўлиқ топширганидан кейин эса китоб ёзиш билан шуғулланишни режалаштирмоқда. Бироқ интернет-компаниялар ҳам уни ўз ходимлари сафида кўришни исташларини билдиришган.

Кун янгиликлари
Чилонзордаги ёнғин бўйича расмий хабар: Тафсилотлар ва талофатлар маълум
Ўзбекистонда McDonalds, Burger King ва Starbucks пайдо бўлади
«Учади, учмайди, учади, учмайди». Душанбе-Тошкент рейси атрофида нима гаплар?
Тошкент молия институтида имконияти чекланган болаларга бағишлаб хайрия акцияси ўтказилди
Қозоғистонда "ўзбек маҳсулоти" бренди жуда машҳурлиги эътироф этилди
Президент совғасини олган Шоди бобо қандай қилиб бу даражага эришгани ҳақида гапириб берди
23:08 829 Жамият
Ўзбекистон бош вазири ўринбосари Ғуломжон Ибрагимов ўз лавозимида қолди
Канадалик номусулмон аёллар бир ойга ҳижобга киришга аҳд қилишди
22:41 1022 Жаҳон
Адлия вазирлигида “Халқ билан мулоқот ва инсон манфаатлари йили”нинг мазмун-моҳияти кун мавзусига айланди
22:39 313 Жамият
Хитойда парранда гриппи авж олмоқда
22:34 415 Жамият
Кўпроқ янгиликлар