9 январь куни Ташқи иқтисодий алоқалар, инвестициялар ва савдо вазирлигида Ташқи ишлар вазири ўринбосари Ҳикмет Карзай бошчилигидаги Афғонистон Ислом Республикаси делегацияси билан учрашув бўлиб ўтди. Бу ҳақда вазирлик матбуот хизмати хабар берган.

Учрашув чоғида икки ёқлама савдо-иқтисодий ҳамкорлик истиқболлари ва жорий ҳолати, транспорт, транзит, энергетика шунингдек, ўзбекистонлик мутахассисларнинг Афғонистон инфратузилмасини ривожлантириш ва иқтисодиётини тиклашдаги иштироки масалалари муҳокама қилинди.

Томонлар 2016 йил 26 декабрда Тошкент шаҳрида бўлиб ўтган савдо, транспорт ва энергетика бўйича комиссиясининг иккинчи йиғилишини юқори баҳоладилар.