O‘zbekiston va Tojikiston o‘rtasida temir yo‘l aloqasini tiklash bo‘yicha muzokaralar davom etmoqda

Tojikistonlik temir yo‘lchilar o‘zbekistonlik hamkasblari bilan janubiy yo‘nalish bo‘yicha temir yo‘l aloqasini tiklash bo‘yicha muzokaralarni davom ettirmoqda. Gap shundaki, O‘zbekiston 2012 yil boshida Tojikistonning Xatlon viloyatiga boruvchi temir yo‘llarni olib tashlagan. 

Tojik temir yo‘lchilari bu masala bo‘yicha Dushanbeda dekabr oxirida o‘tgan savdo-iqtisodiy hamkorlik bo‘yicha tojik-o‘zbek hukumatlararo komissiyasining yig‘ilishida aniq kelishuvlarga erishishni kutishgandi. Biroq tegishli taklif kun tartibiga kiritilmagan.

"Tojik temir yo‘li" tomonidan bildirilgan taklifda yo‘lning O‘zbekistondagi Amuzang-G‘alaba qismini tiklash bildirilgan. Biroq bu taklif yig‘ilishda muhokama qilinmagan, chunki u yig‘ilish bayonnomasi loyihasiga kiritilmagan.

Shunga qaramasdan, ushbu masala bo‘yicha muzokaralar davom etmoqda. "Bugungi kunda Tojikistonning markaziy qismi va janubi bilan temir yo‘l aloqasi mavjud. Biroq respublikaning janubiy tumanlaridan O‘zbekiston chegarasigacha Dushanbe orqali o‘tuvchi yo‘lning uzunligi 10 marotaba uzundir", deb aytdi tojik tomoni.

2011 noyabrda O‘zbekiston Amuzang-G‘alaba peregoni bo‘yicha o‘tuvchi temir yo‘l aloqasini temir yo‘l ko‘prigining tayanchlari yemirilishi bilan asoslab qayta o‘rnatgandi. Bu peregon tojik temir yo‘lining Xatlon qismini tashqi temir yo‘l aloqalari bilan bog‘lagan. 2012 yil aprelida bu peregonda temir yo‘l relslari demontaj qilingani ma'lum qilingandi. 

Xatlon viloyati shundan keyin 2016 yilning avgustida Dushanbe-Vaxdat-Qo‘rg‘on-Tepa-Ko‘lob yo‘li foydalanishga topshirilgandan keyingina tashqi temir yo‘llar bilan bog‘langandi.