Фотожамланма: Эрондаги чанғи курортларига назар

Lifestyle 15 Январь 2017 13008

Кўпчилик Яқин Шарқни жазирама саҳродек тасаввур қилади, бу ерда қорли чўққилар бўлиши мумкин эмасдек гўё. Бироқ аслида улар бор ва тоғ чанғиларида учиш - Ливан, Туркия, Исроил ва Эрон мамлакатларида машҳур машғулот. Big Picture Эрон қорли чўққиларининг фотожамланмаси билан бўлишди.

Болалигидан Альп тоғларида чанғида учиб катта бўлган миланлик сураткаш Гайя Скурачи ёзувчи Лоуренс Корнет билан бирга Эрон пойтахти шимолидаги тоғ-чанғи курортларига йўл олди. Сураткаш аёл тоғ ёнбағирлари, меҳмонхоналар, ресторанлар ва ён-атрофда Эрон жамиятига яқиндан назар солишга имкон берувчи бутун бир оламни кўрди. "Чанғилар биз учун баъзи жараёнларга яқинлашиш имконини туғдирди", - деб ёзади у. Натижада Эрон ҳаётининг ушбу бўлаги билан таништирувчи "Ski in Iran" ("Эронда чанғилар") номли фотолойиҳа пайдо бўлди.

ФОТО: Gaia Squarci
ФОТО: Gaia Squarci

"Мен болалигимдан Альп тоғларида чанғида учганман, Эрон водийлари бизнинг водийларга нисбатан чуқурроқ. Тоғ чанғиси Эронда янгилик эмас, у шоҳ давридаёқ пайдо бўлган. Шоҳ қулатилганидан кейин инқилоб натижасида кўплаб радикал ўзгаришлар содир бўлди. Тоғ-чанғи спорти буткул йўқ қилинмаган бўлса-да, унинг ривожланиши секинлашган ва у ҳалигача Ғарб таъсиридек қабул қилинади. Бу жойларда юқорида турганингда ўзинг қўним топган уйдан бошқа иншоотни кўриш қийин масала, нигоҳингиз бошқа ҳеч нарсага чалғимай, тоғ ёнбағирларининг ўзига қадалади. Иншоотлар тузилмаси кўпинча Европанинг истеъмолдан чиққан материаллари ҳисобига барпо этилади, шу боис улар эскича кўринади. Мен ўзимни худди 20 йил аввалги ўтмишга тушиб қолгандек ҳис қилдим. Бу ерда режим таъсири шаҳарга қараганда камроқ сезилади, лекин атрофда полиция кийимида ёки оддий фуқаролардек кийинган кузатувчилар бор. Чанғи учиш қоидалари Ғарбдагидан у қадар фарқ қилмайди, бироқ аёллар учун баъзи қўшимча чекловлар бор".

"Аёлларнинг чанғи учадиган курткалари узунроқ бўлиши, бош эса ёпилган бўлиши керак, рўмолдан кўра қалпоқ кийган аёллар кўп учраса-да, баъзан сочининг муайян қисми кўриниб турадиган аёллар ҳам учраб туради".

ФОТО: Gaia Squarci

"Лоуренс тоғ-чанғи курортида мижозлар шариат қонунига риоя қилишлари кераклигини эслатиб турувчи эслатмалар борлигига эътибор қаратди. Бу ерда жамоат жойларидаги оқшомлар эрта тугарди ва ҳамма ёқда жимлик ҳукмрон эди. Бар ва ресторанларда спиртли ичимликлар йўқ, Эронда омма олдида рақсга тушиш тақиқланган, ёпиқ эшиклар ортида эса ҳаёт қайнайди".

ФОТО: Gaia Squarci

"Биз хорижда ўқувчи ёки ишловчи, таътилда уйга, маҳаллий ёшлар, консерватив оила даврасига қайтувчи эронлик экспатлар ва бир неча европалик сайёҳлар билан кўришдик. Масалан, биз суҳбатлашган бир қиз Лос-Анжелесда иқтисодчи бўлиш учун ўқир экан, Шимолий Европадан келган ака-ука қишки спорт турига бўлган муҳаббати туфайли шу ерга ташриф буюрган, бир неча хорижликлар эса таътилда эронлик дўстларининг ёнига келганликлари маълум бўлди. Лоуренс шунингдек швейцариялик чанғисеварлар ва сноубордчилар билан суҳбатлашди, улар маҳаллий аҳолига фристайлни ўргатиш учун "Биз Эронда учамиз" номи остидаги ташкилотга асос солишган экан". 

ФОТО: Gaia Squarci

"Эронда тоғ-чанғи абонементи ва ижара баҳоси Европадагидан паст, бироқ эронликлар учун бу етарли даражада қиммат нархлар ҳисобланади".

ФОТО: Gaia Squarci

"Мамлакатнинг бошқа ҳудудларида яна бир неча курортлар бор. Биз ўз диққатмизни Теҳрон яқинидаги курортларга қаратдик".

ФОТО: Gaia Squarci

"Барча курортлар Теҳрондан кўпи билан икки соатлик масофада жойлашган бўлиб, улардан энг яқини - Точал. У ерга 45 дақиқада очиқ фуникулерда ҳам етиб олса бўлади. Бироқ у жойлашувига кўра, шу қадар баланддаки, баъзан бундай баландликдан сайёҳларнинг кўнгли беҳузур бўлади. Нисбатан ёшроқ сноубордчи ва фристайлерлар гуруҳининг учрашув жойи ҳисобланган Дизинда ҳамда Осиёдаги энг баланд вулқон, Дамаванд тоғлари кўриниб турувчи Дарбандсар курортида бўлдик".

ФОТО: Gaia Squarci

"Биз Дарбандсар яқинидаги яна бир таниқли маскан - Шемшакка ҳам бажонидил бориб келардик, бироқ йўлларни қор босиб қолгани туфайли у ергача етиб бора олмадик".

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 30177 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42381 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158911 Жамият
Кун.uz офис изламоқда
15:48 / 06.08.2017 45042 Lifestyle
Ла-лига. «Барселона» ғалаба билан бошлади
01:32 313 Спорт
Илон Маск БМТдан жанговор роботларни тақиқлашни талаб қилмоқда
Коалиция бомбалари остида 80 нафар суриялик ҳалок бўлди
00:27 924 Жаҳон
РФПЛ. «Ростов» «Краснодар» билан дуранг ўйнади, Шомуродов захирадан майдонга тушди
00:23 487 Спорт
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 2136 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 194 Спорт
Кўпроқ янгиликлар