08:40 / 17.01.2017
15186

Ukraina Rossiya ustidan Xalqaro sudga shikoyat qildi

Foto: AFP 2017/ ANP/Guus Schoonewille

Ukraina Rossiyaga qarshi BMTning Gaagadagi Xalqaro sudiga da'vo arizasi berdi. Bu haqda Ukraina tashqi ishlar vaziri matbuot xizmati ma'lum qildi. Tegishli buyruqni Ukraina prezidenti Pyotr Poroshenko bergan.  

Ta'kidlanishicha, shikoyat "Rossiyani Ukrainaga noqonuniy tajovuz vaqtida terrorchilik va tahqirlash harakatlarini amalga oshirganlik uchun javobgarlikka tortish maqsadida" berilgan.

Hujjatda aytilishicha, Moskva terrorchilikni moliyalashtirishga qarshi kurash va irqiy tahqirlashni bartaraf etish konvensiyasini buzgan.

Ukraina Xalqaro sudga ishni ko‘rib chiqish vaqtida "Rossiya tomonidan inson huquqlari buzilishlarining oldini olishga qaratilgan" choralar qabul qilish iltimosini ham bildirgan.

Top