Теҳрон АҚШ президенти Дональд Трампнинг АҚШга 7 та мусулмон давлат фуқароларининг киришини чекловчи қарорини "мусулмон дунёсининг очиқчасига ҳақорат қилиниши" деб атади ва жавоб чоралари қабул қилишга ваъда берди. Бу ҳақда Reuters ахборот агентлиги хабар бермоқда

"Эрон Трампнинг тақиқловига жавобан тегишли дипломатик, ҳуқуқий ва сиёсий чораларни қабул қилади", дейилган ҳужжатда.

Аввалроқ 7 та мусулмон давлатининг (Судан, Ливия, Сомали, Сирия, Эрон, Ироқ, Яман) АҚШ грин-картасига эга ва АҚШга махсус ҳужжатларсиз кириши тақиқланган фуқаролари Трампнинг миграция сиёсати остига тушишлари маълум қилинганди.