Тожикистон пойтахтида 150 кун ободончилик даври деб эълон қилинди. Бу ҳақида news.tj сайтида хабар берилди

Акция 1 февралдан 27 июнь - Тожикистон миллий бирлик кунига қадар ўтказилади. Айнан тинчлик келишуви имзоланганининг 20 йиллиги шарафига пойтахт раҳбари Рустам Эмомали ушбу акция ҳақида эълон қилди. 

Душанбе ҳокимлиги матбуот хизмати хабар беришича, акция "Душанбени ободонлаштириш – пойтахт аҳолиси вазифаси" номи остида ўтмоқда. 

Ҳокимлик томонидан имзоланган қарорга кўра, шаҳар маъмурияти, пойтахт ташкилотлари ва корхоналари ўзларига қарашли ҳудудлар, кўчалар ва йўлакларни кўкаламзорлаштириш бўйича чоралар кўришлари керак бўлади. 

Ҳоким пойтахт туманлари раҳбарларига ҳудудларда мамлакат биологлари тавсия қилган дарахт ва гул кўчатларини экишни ташкиллаштириш вазифасини берди.