Avstriyalik Markus Stokl velosiped uchun yangi tezlik rekordini o‘rnatdi. 42 yoshli ekstremal Chilining Atakama cho‘lida o‘z velosipedida 167,6 km/soat tezlikka erishdi.
Stokl bunga erishishda oddiy Mondraker Summum velosipedidan foydalandi, biroq yaxshi aerodinamikaga ega bo‘lish va xavfsizlik nuqtai nazaridan maxsus kiyim va shlemda bo‘lgan.
Avstriyalik o‘z yo‘lini nomsiz tog‘ning 4 ming metr balandlikdagi cho‘qqisidan boshlagan.
Unga rekord natijaga erishish uchun 650 metrlik masofa va 11 soniya kifoya qilgan. U 45 gradus burchakka ega qiyalikdan tushgan.
Ekstremal shu tariqa o‘zining 2011 yildagi rekordini yangiladi. O‘shanda u Nikaraguada 164,95 km/soat tezlikka erishgandi.
