Шавкат Мирзиёев Қозоғистонга давлат ташрифи билан бориши мумкин

Ўзбекистон 14 Февраль 2017 32655
Фото: Қозоғистон президенти матбуот хизмати

2017 йилнинг биринчи ярмида Ўзбекистон президенти Шавкат Мирзиёев Қозоғистонга давлат ташрифи билан боради, деб хабар берди Sputnik.

Ушбу ташриф Қозоғистон раҳбари Нурсултон Назарбоев ўзбек ҳамкасбини меҳмонга шахсан таклиф этгани туфайли режалаштирилмоқда. Sputnik’нинг Тошкентдаги Қозоғистон дипломатик ваколатхонасига асосан ёзишича, ташриф давомида икки томонлама стратегик шериклик бўйича кўплаб масалаларни муҳокама қилиш режалаштирилган.

Шу тариқа, савдо-иқтисодий, транспорт-логистика соҳасидаги ҳамкорлик, ҳудудлар даражасидаги ўзаро алоқалар ва бошқа масалалар муҳокама қилинади.

"Ўзаро муносабатларимиз динамикаси 2016 йилнинг охири ва 2017 йилнинг бошларида жуда фаоллашди. Бизда ҳал қилиниши лозим бўлган бир қатор масалалар пайдо бўлгани табиий. Бу жиҳатдан икки давлат раҳбарининг учрашуви жуда муҳим ва ўз вақтида", - дея айтиб ўтган Қозоғистоннинг Ўзбекистонда жойлашган элчихонасидаги манба.

Бундан ташқари, суҳбатдошнинг сўзларига кўра, яқин орада бир қатор икки томонлама учрашувлар ва ташрифлар ҳам режалаштирилган. Хусусан, янги мудофаа ва ҳарбий-техник ҳамкорлик бўйича вазирлик вакилларидан ташкил топган қозоқ делегацияси Ўзбекистонга келмоқчи. Шунингдек миллий темир йўл операторлари делегацияларининг учрашуви ҳам бўлиб ўтиши керак.

Бироқ, элчихона вакилининг хабар беришича, икки томонлама ташрифлар ичида биринчи бўлиб ҳудудлар раҳбари даражасидаги учрашувлар амалга оширилиши мумкин. Хусусан, март-апрелда Навоий ва Жиззах вилояти ҳокимларининг Қозоғистонга ташрифи режалаштирилган. Томонлар Навоий ва Жиззахдаги эркин-иқтисодий зоналар доирасида Жанубий Қозоғистон вилоятларидан бўлган ишбилармонлар билан ҳамкорликни муҳокама қилишади.

Аввалроқ Ўзбекистон раҳбари Шавкат Мирзиёев Россияга ташриф буюришни режалаштираётгани ҳақида хабар берилган эди.

Кун янгиликлари
Видео: Ҳайдовчилар шантажчи пиёдадан эҳтиёт бўлинг!
13:28 38085 Жамият
Ҳаётга ташналик акс этган суратлар
21:21 / 21.05.2017 37619 Lifestyle
Бемор қизчага ёрдам керак. Ҳар эшикдан қайтарилган оила учун хайрия акцияси
19:25 / 16.05.2017 102792 Жамият
Россия ички ишлар вазири Владимир Колокольцев Ўзбекистонга келди
Трамп Эрон ҳеч қачон ядровий қуролга эга бўла олмаслигини айтди
22:03 392 Жаҳон
Америкалик "Титаник"даги плагиат учун Жеймс Кэмерондан 300 миллион доллар талаб қилмоқда
Украиналик чегарачилар Қримда бўлган ўзбекистонликларни Украинага қўйишмади
Фотосаёҳат: Янги муҳташам “Новомосковская” биносининг очилиш маросими
21:31 2561 Жамият
«Сандерленд» Мойесни ишдан бўшатди
21:27 718 Спорт
Май бошида вафоти эълон қилинган Туркманистон бош вазири ўринбосарининг ўлими сабаби маълум қилинди
21:26 3973 Жамият
Кўпроқ янгиликлар