АҚШ президенти Дональд Трамп оиласининг бир ойлик саёҳати солиқ тўловчиларга собиқ давлат раҳбари Барак Обама оиласининг бир йиллик саёҳати қийматига тушган. Independent нашри шу ҳақида хабар берди

Президентнинг инаугурациясидан кейин Флоридадаги Мар-а-Лагога қилган уч сафари, шунингдек ўғилларининг хизмат сафарлари мамлакатга 11,3 миллион долларга тушди. Обама оиласининг саёҳатларга сарфланган бир йиллик харажатлари эса 12,1 миллионни ташкил қилган. 

Нашрнинг таъкидлашича, Трамп бундан аввал бир неча марта Обамани хизмат лавозимини ўташ чоғида ўз саёҳатлари учун солиқ маблағларидан фойдалангани учун танқид қилган.