Сенатор ва депутатларнинг шахсан ўзи халқ билан юзма-юз учрашмоқда

Жамият 06 Март 2017 6861

Қонунчилик палатаси депутатлари Навоий вилоятининг Навбаҳор туманидаги ҳақиқий ҳолатни ўрганиш юзасидан кўпгина ижтимоий объектларда бўлиб, аҳоли билан учрашмоқдалар. Ўрганиш даврида депутатлар ва сенаторлар ҳудудлардаги аҳоли, шу жумладан ёшлар, тадбиркорлар, фермерлар, фуқароларнинг ўзини ўзи бошқариш органлари вакиллари ҳамда фаоллари билан бевосита учрашувлар ўтказдилар.

Улар томонидан шу кунгача 306 та хонадонга ташриф буюрилиб, ҳар бир хонадон вакиллари билан тўғридан-тўғри мулоқот олиб борилди. Ўтказилган учрашув ва мулоқотларда 894 нафарга яқин фуқаро, шу жумладан 79 та тадбиркорлик субъектлари қамраб олинди ҳамда уларни ўйлантираётган муаммо ва камчиликлар юзасидан фикрлари эшитилди ва ўрганилди.

Юқорида қайд этилган масалалар юзасидан депутатлар ва сенаторлар томонидан амалга оширилган тегишли чора-тадбирлар натижасида 14 та масала жойида ҳал этилди, жумладан “Карвон” МФЙда яшовчи аҳоли томорқаларидан ер ости сувлари кўтарилишидан норозилигини билдиришди. Тумандаги “Қуйи Зарафшон насос станциялари энергетика ва алоқа бошқармаси” билан ҳамкорликда ернинг захини қочириш масаласи кўриб чиқилиб, маҳалладаги тик қудуқ (артизан)ни ишлатиш орқали ушбу масала ҳал этилди. Шу билан бирга мутасадди ташкилотга тик қудуқ (артизан)ни мунтазам ишлатиб туриш бўйича кўрсатма берилди. “Бурқут” МФЙдаги “Ибн Сино” кўчасидан чиқиндиларни олиб чиқиб кетилиши бўйича фуқаро Н.Қузиевнинг мурожаати туман Ободонлаштириш бўлими билан келишилган ҳолда жадвал асосида олиб кетилиши йўлга қўйилди. “Ўзбекистон” МФЙда яшовчи фуқаро С.Бобоёровнинг Туман тиббиёт бирлашмаси бош шифокори билан даволаниш масаласидаги мурожаати ижобий ҳал этиш чоралари кўрилди. “Қалқон ота” МФЙда яшовчи Р.Абдиев хонадонини электр тармоғига улашга доир мурожаати туман электр тармоқлари корхонаси масъуллари билан ҳамкорликда ҳал этилди.Туман даражасида ҳал этилиши лозим бўлган, табиий газ босимининг пастлиги, аҳолини тоза ичимлик суви билан таъминлаш, ногиронлиги сабабли ногиронлик гуруҳини берилиши, чиқиндиларни ўз вақтида олиб чиқиб кетилиши каби 35 та масала юзасидан тегишли маҳаллий давлат органлари ва бошқа ташкилотларга аниқ таклиф ва тавсиялар берилди ҳамда уларнинг бажаралиши назоратга олинди.

Ҳозирда депутатлар ва сенаторлар туман ҳокимлиги, прокуратураси, ички ишлар органлари ва бошқа ташкилотларнинг фаолиятини ўрганиш, ҳамда туманни ривожлантиришга доир долзарб вазифаларни ҳал қилишда, фуқароларнинг ҳуқуқлари ва эркинликларини таъминлашда ушбу давлат органларига ва бошқа ташкилотларга кўмаклашиш юзасидан ишлар олиб бормоқдалар.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 44416 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 61774 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34141 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19312 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 73809 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59898 Жамият
Навоий вилоятида қўшмачи эркак қўлга олинди
16:45 1135 Жамият
Маъмурий ислоҳотлар Концепцияси лойиҳаси жамоатчилик муҳокамасига қўйилди
«Made in Uzbekistan» бренди Тожикистон бозоридан Хитой маҳсулотларини сиқиб чиқармоқда
Араб коалицияси Ямандаги меҳмонхонага авиазарба берди
16:35 737 Жаҳон
Кўпроқ янгиликлар