АҚШда 2017 йилнинг энг ёмон автомобиллари

Технология 12 Март 2017 10733

АҚШнинг Consumer Reports нашри 2017 модел йилининг 10 сегментида энг ёмон автомобиллар номларини маълум қилди. Мутахассисларнинг баҳолари шахсий тест-драйвлар, машинанинг ишончлилик рейтинги, хавфсизлик кўрсаткичи ва унинг аввалги версиялари эгаларининг фикрларига асосланган.  

Қуйида ушбу рўйхат келтирилган.

Энг ёмон субкомпакт автомобиль:  Mitsubishi Mirage

Ишончлилиги: ўз синфида ўртача
Mirage ушбу синфдаги энг паст баҳони моторнинг кучли титрашлари, қувватнинг етишмаслиги ва "арзон-гаров" кўринувчи салони учун олган. Consumer Reports’да харидорларга бу машинани олишга кетадиган пулга тутилган бўлса-да, бироқ ишончлироқ моделни харид қилишни тавсия қилишди.
Ушбу тоифадаги энг яхши автомобиль:  Toyota Yaris iA

Энг ёмон ихчам электр/гибрид автомобиль: Mitsubishi i-MiEV

Ишончлилиги: ўз синфида ўртача
Мутахассислар i-MiEV электрокарини "яхши ишланмаган, секин, бесўнақай ва қаттиқ" деб аташган. Бундан ташқари, қувватлашга анча узоқ вақт кетиши билан бирга анча кам юриш захираси танқид қилинди. Нашрда бу машинанинг ўрнига Nissan Leaf харид қилиш таклиф қилинди.
Ушбу тоифадаги энг яхши автомобиль:  Toyota Prius

Энг ёмон ихчам автомобиль: Fiat 500L

Ишончлилиги: ўз синфида ўртачадан анча ёмон
Катталаштирилган Fiat 500 қаттиқлиги, ясси ўриндиқлари ва ҳайдовчи ўриндиғининг бесўнақайлиги, ишончлилигининг пастлиги ва краш-тестларда кўрсатган паст натижалари сабабли танқид қилинди. Нашр маълумотларига кўра, бу автомобилнинг кўпчилик эгалари уни харид қилишгандан афсус билдиришган.  
Ушбу тоифадаги энг яхши автомобиль:  Chevrolet Cruze

Энг ёмон ўрта ўлчамли седан: Chrysler 200

Ишончлилиги: ўз синфида ўртачадан анча ёмон
Chrysler седани ишончлиликнинг паст даражаси билан бирга бошқаришда бесўнақайлиги, 4 цилиндрли мотор, узатмалар қутисининг ўзига хос иши ва тор орқа ўриндиқлар билан мутахассислар ҳафсаласини пир қилди.
Ушбу тоифадаги энг яхши автомобиль:  Kia Optima

Энг ёмон ихчам пикап: Toyota Tacoma

Ишончлилиги: ўз синфида ўртачадан анча ёмон
Toyota пикапи "оддий", қаттиқ амортизаторли, бошқаруви оғирлиги, салонда шовқиннинг баландлиги ва ҳайдовчи учун ўриндиқнинг ноқулайлиги сабабли танқидга учраган.
Ушбу тоифадаги энг яхши автомобиль:  Honda Ridgeline

Энг ёмон ўрта ўлчамли кроссовер: Dodge Journey

Ишончлилиги: ўз синфида ўртачадан ёмон
Journey моделининг етарлича манёврли эмаслиги, моторининг ёнилғини кўп сарфлаши, олдидан зарба беришга синалганда кўрсаткичларнинг ёмонлиги ва ишончлилигининг пастлиги қайд қилинди.
Ушбу тоифадаги энг яхши автомобиль:  Toyota Highlander

Энг ёмон ҳамёнбоп премиал автомобиль: Mercedes-Benz CLA

Ишончлилиги: ўз синфида ўртачадан ёмон
Мутахассисларнинг фикрича, CLA двигатели "ғалати" ишлайди, амортизаторлари жуда қаттиқ, салонда шовқин баланд. Машинанинг салони жуда тор ва унга ўтириш ноқулай деб аталган. Бундан ташқари, нашрда машинада премиал автомобилларда бўлиши керак бўлган кўплаб функцияларнинг йўқлиги қайд қилинди. 
Ушбу тоифадаги энг яхши автомобиль: Buick Verano

Энг ёмон премиал ўрта ўлчамли седан: Maserati Ghibli

Ишончлилиги: ўз синфида ўртачадан анча ёмон
Ҳамёнбоп Maserati ёнилғини кўп сарфлаши, қаттиқ амортизатори, тор орқа ўриндиғи ва машинага ўтиришда/тушишда ноқулайлиги учун танқид қилинди. Бундан ташқари, салонни безашда арзон элементлардан фойдаланилган.
Ушбу тоифадаги энг яхши автомобиль: Infiniti Q70

Энг ёмон премиал ихчам кроссовер: Land Rover Discovery Sport

Ишончлилиги: ўз синфида ўртачадан анча ёмон
Discovery Sport’нинг 4 цилиндрли турбомотори, узатмалар қутиси, амортизаторлари ва рулини бошқариш қониқарсиз деб топилди. Шунингдек, моделнинг мультимедиа тизими (секин жавоб бериши) ва салони (автомобилнинг синфи учун жуда оддий) ҳам яхши таассурот қолдирмаган. Бундан ташқари, машинанинг ишончлилиги ҳам саволлар уйғотади.
Ушбу тоифадаги энг яхши автомобиль: Mercedes-Benz GLC

Энг ёмон ҳашаматли кроссовер: Cadillac Escalade

Ишончлилиги: ўз синфида ўртачадан анча ёмон
Escalade рақобатчиларига нисбатан юришининг равонлиги пастлиги, катта ўлчамларга эгалигига қарамай ноқулай салони, иккинчи қатор ўриндиқларининг пастлиги ва учинчи қаторнинг торлиги, чалкаштирувчи мультимедиа тизими ва ишончлиликнинг пастлиги сабабли паст баҳоланди.  
Ушбу тоифадаги энг яхши автомобиль: Audi Q7

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28674 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 15372 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56486 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 2229 Жаҳон
Reuters: АҚШ Мисрга ҳарбий ёрдам бермайдиган бўлди
00:34 1728 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 6422 Жамият
Германияда Трамп боши шаклидаги гиёҳванд моддали таблеткалар аниқланди
00:21 1741 Жаҳон
Сербия Ҳиндистон ва Эрон фуқаролари учун визани бекор қилди
00:18 1341 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 1987 Жаҳон
Кўпроқ янгиликлар