АҚШ президенти Дональд Трамп ва Германия канцлери Ангела Меркелнинг 14 мартга белгиланган учрашуви Вашингтонда кутилаётган қор бўрони туфайли 17 мартга кўчирилди. Бу ҳақда журналистларга АҚШ президенти матбуот котиби Шон Спайсер маълум қилди. 

"Президент Германия канцлери билан суҳбатлашиб, об-ҳаво туфайли учрашувни қолдиришга келишиб олди. Учрашув 17 март кунига кўчирилди, тадбирлар жадвали аввалгидек бўлади", деб айтган Спайсер.

АҚШ шимоли-шарқида 13 ва 14 март кунлари бу мавсум учун ноодатий паст ҳароратлар бўлиши кутилмоқда (Цельсий бўйича минус 4 – минус 2 градус).

Шунингдек, ёмон об-ҳаво сабабли авиакомпаниялар 1,5 мингдан кўпроқ рейсни бекор қилишган.