Буюк Британиянинг Дерби шаҳрида яшовчи 34 ёшли Ивонна Горманнинг турмуш ўртоғи Жим Лизга кўпчилик уйланган британияликларнинг ҳаваси келиши аниқ. Ивонна аксарият рафиқалардан фарқли, жуда ҳам тежамкор аёл бўлиб чиқди. Унинг ўз никоҳ маросимига йўловчи автобусида боришни маъқул кўрганидан шундай хулосага келиш мумкин. Бу ҳақда Mirror нашри хабар бермоқда. 

Аёл қимматбаҳо "роллс-ройс"лар ва "бентли"лардан иборат тўй кортежига пул сарфлаш, машиналарни қўйишга жой топиш билан боғлиқ асаббузарликлар ўрнига ўзининг 10 нафардан кўпроқ яқинини никоҳ маросимига 4-йўналиш бўйича қатнайдиган оддий йўловчи автобусида олиб боришга қарор қилди.

Ивоннанинг уйи шундоққина автобус бекати ёнида эканлиги унга бундай фикрни берди. 10 дақиқалик сафар келин ва унинг отасига киши бошига 2 фунтдан тушди. 

Ивонна "ҳайратдан қотган" пиёдалар кўз ўнгида чиройли тўй кўйлагида бекатда автобусдан тушиб, отасининг қўлини ушлаганча қайлиғи уни кутиб турган никоҳлар қайд қилинувчи муниципалитетга йўл олди.