Toshkentda o‘tgan bir hafta mobaynida 22ta giyohvandlik bilan bog‘liq holatlar aniqlangan. Giyohvandlik vositalari yoki psixotrop moddalar bilan qonunga xilof ravishda muomala qilishga qarshi kurash borasida olib borilgan tezkor tadbirlar natijasida mart oyida jami 137ta holat aniqlangan va jami 2 kgdan ortiq giyohvandlik vositalari daliliy ashyo tariqasida olingan.
Hafta davomida o‘tkazilgan tadbirlarda 37 gramm marixuana, 4 gramm gashish giyohvandlik moddalari daliliy ashyo tariqasida olingan.
IIBBda o‘tkazilgan matbuot brifingida ma'lum qilinishicha, Toshkent shahriga kirib kelish postlarida 14 nafar qidiruvdagi shaxs ushlangan, 4ta hujjatni qalbakilashtirish jinoyati aniqlangan, 2ta – pnevmatik to‘pponcha, 1ta – pnevmatik miltiq va 1ta – taqiqlangan diniy adabiyotlar olib kirilishi aniqlangan.
