Мавсум бошидаги қониқарсиз натижалар сабабли «Пахтакор»да бош мураббий ўзгарди. Бу ҳақда клуб матбуот хизмати хабар берган.

Клуб раҳбарияти Григорий Колосовскийни «Машъал»га бой берилган учрашувдан кейин истеъфога чиқариш ҳақида қарор қабул қилган. Унинг ўрнига «Пахтакор»га бегона бўлмаган Равшан Ҳайдаров бош мураббий этиб тайинланган.

Равшан Акмалович 2006-07 ва 2010-11 йилларда ҳам тошкентликлар жамоасига устозлик қилган. Бош мураббий сифатида «Пахтакор» билан икки мартадан Ўзбекистон чемпионати ва Кубогида ғолиб чиққан.