«Paxtakor»ga yangi murabbiy tayinlandi

Mavsum boshidagi qoniqarsiz natijalar sababli «Paxtakor»da bosh murabbiy o‘zgardi. Bu haqda klub matbuot xizmati xabar bergan.

Klub rahbariyati Grigoriy Kolosovskiyni «Mash'al»ga boy berilgan uchrashuvdan keyin iste'foga chiqarish haqida qaror qabul qilgan. Uning o‘rniga «Paxtakor»ga begona bo‘lmagan Ravshan Haydarov bosh murabbiy etib tayinlangan.

Ravshan Akmalovich 2006-07 va 2010-11 yillarda ham toshkentliklar jamoasiga ustozlik qilgan. Bosh murabbiy sifatida «Paxtakor» bilan ikki martadan O‘zbekiston chempionati va Kubogida g‘olib chiqqan.