Фоҳишахона сақлаш ва қўшмачилик қилиш, фоҳишалик билан шуғулланишга қарши чоралар кучайтирилаётгани ижобий самараларини бермоқда. Бу ҳақда Тошкент шаҳар ИИББ бошлиғи ўринбосари Дониёр Тошхўжаев 6 апрелдаги матбуот брифингида маълум қилди. Унинг айтишича, 30 мартдан 6 апрелгача бўлган муддат давомида фоҳишахона сақлаш ва қўшмачилик билан боғлиқ жиноятлар сони камайишига эришилган.

Ўтказилган махсус тадбирларда 3та фоҳишахона сақлаш ва қўшмачилик қилиш жиноятлари аниқланиб, Жиноят кодексининг 131-моддаси, яъни фоҳишахона сақлаш ва қўшмачилик қилиш аломатлари билан жиноят ишлари қўзғатилди.
 
Фоҳишалик билан шуғулланиб келаётган 46 нафар ва жамоат жойларида спиртли ичимлик истеъмол қилган 67 нафар шахсларга нисбатан маъмурий таъсир чоралари кўрилган.