Коррупцияга қарши кураш фонд асосчиси Алексей Навальныйнинг сайловчилар ўртасидаги нуфузи ошмоқда. «Левада-центр» вакилига асосланиб Republic нашрининг хабар қилишича, ушбу сиёсатчининг рейтинги 2 баробар ўсиб, 10 фоизга етган. У эндиликда олдиндаги сайловларда Путиннинг асосий рақибига айланган.

Шунингдек, унинг таниқлилик бўйича кўрсаткичи ҳам максимумга етган. Март ойида ўтказилган сўровларга кўра, 55 фоиз киши Навальныйни танишини билдирган. Таққослаш учун, февраль ойида бу кўрсаткич, 47 фоизга тенг бўлганди.

Шу билан бирга россияликларнинг 40 фоизи агар сайловлар яқин ҳафтада ўтказилса, уни қўлламаслигини билдирган. 

Бундан олдинроқ бош вазир Дмитрий Медведевнинг фаолиятини маъқулламайдиган кишилар сони уни қўллаб-қувватлаётганлар сонидан ортгани маълум бўлганди.

Айнан Навальныйнинг Медведев ҳақидаги текширувлари ва у махфий империя ташкил қилгани ҳақидаги иддаоларидан сўнг намойишлар бошланган, ФХХ эса Навальныйни қўлга олган, унинг Коррупцияга қарши кураш фондида тинтув ўтказганди.

«У сизга шунчаки Димон эмас». Медведевнинг «махфий империя»си фош этилди