09:42 / 08.04.2017
7012

Hongkongda 10 yil davomidagi eng katta marixuana partiyasi musodara qilindi

Xitoy xalq respublikasining maxsus ma'muriy tumani – Hongkong politsiyasi so‘nggi o‘n yil davomidagi eng katta hajmdagi marixuana giyohvandlik vositasi partiyasini musodara etdi. Uning qiymati 3,86 million AQSh dollariga baholanmoqda, deb xabar berdi RTHK mahalliy radiostansiyasi.

Xabar qilinishicha, politsiya giyohvand moddani ham, uni yetishtirishga mo‘ljallangan asbob-uskunalarni ham musodara qilgan. To‘rt kishi hibsga olindi. Shuningdek politsiya qo‘lga olinganlar yonidan 10 million Hongkong dollarini topdi.

South China Morning Post gazetasi ma'lumotiga ko‘ra, qo‘lga olingan shaxslarning uch nafari honkongliklar bo‘lsa, bir nafari Indoneziya fuqarosi.

Politsiya ma'lumotiga ko‘ra, marixuana Hongkong hududida iste'mol qilishga mo‘ljallanib yetishtirilgan.

Top