Бразилиянинг Рио-де-Жанейро аҳолиси 8 апрелда "Тотал диктант" халқаро таълим акциясида иштирок этишди. Ўзининг рус тилидан саводхонлигини текширишни истаганлар орасида бу шаҳарда яшовчи русийзабон диаспора вакиллари ҳамда маҳаллий университетларнинг рус тилидан таҳсил олувчи талабалари бўлди. Диктант ёзиш жараёни Россиянинг Рио-де-Жанейродаги бош консуллиги биносида ўтди.

Рио-де-Жанейродаги рус маданияти уюшмаси асосчиси ва бу шаҳардаги "Тотал диктант"нинг бош ташкилотчиси бўлган Елена Серебрякова ушбу акция Риода илк бор ўтказилганини маълум қилган.

"Тотал диктант"га қўшилган Бразилиядаги илк шаҳар Сан-Паулу бўлганди. Серебрякованинг айтишича, Бразилиянинг энг йирик шаҳрида бу акция ўтган йили ўтган ва унда бор-йўғи уч одам иштирок этган.

"Мен бу акция ҳақида бир неча йилдан бери биламан, чунки менинг дугонам Москвада учинчи йил "диктатор"лик (диктант ташкилотчиси) қилади. Мен ҳар доим бу акцияда иштирок этишни истардим, бироқ Рио-де-Жанейрода бундай имконият бўлмаганди. Фақатгина ўтган йил Сан-Паулуда биринчи марта "Тотал диктант" бўлиб ўтди ва менда бир оз ҳасад ҳисси ҳам пайдо бўлди: нима учун улар қиладилар, биз эса йўқ?", деб айтмоқда Серебрякова.

Аёлнинг айтишича, у бу акцияни Риода ўтказишга аҳд қилиб, бунинг учун бланкалар чоп этилган, баннерлар, ручкалар сотиб олинган, реклама кампанияси ўтказилган. Диктант ташкилотчисининг айтишича, жорий йилда рус тилидан диктант ёзишда Риода 8 киши, Сан-Паулуда эса 9 киши, жами 17 киши иштирок этди.