ЕИ Эронга нисбатан санкцияларини узайтирди

Жаҳон 12 Апрель 2017 2930

Европа Иттифоқи инсон ҳуқуқлари бузилиши билан боғлиқ Эронга нисбатан жорий қилинган санкциялар муддатини бир йилга узайтирди. Рўйхатга 82 нафар киши ва битта юридик шахс киритилган, дейилади ЕИ Кенгаши коммюникесида. 

"Кенгаш 2017 йил 11 апрелида Эронда инсон ҳуқуқларининг жиддий бузилишига жавобан қўлланилган чораларни 2018 йил 13 апрелигача узайтирди", — дейилади ҳужжатда. 

ЕИ ёдга олишича, санкциялар 82 киши ва битта юридик шахснинг маблағларини музлатади ва уларнинг ЕИ мамлакатларига келишини тақиқлайди. Бундан ташқари, Эронга ички қатағонларни амалга ошириш ҳамда телекоммуникацияларни кузатишда қўлланилиши мумкин бўлган ускуналарни экспорт қилишга тўсиқ қўяди. Мазкур жазо чоралари дастлаб 2011 йили қўлланилган бўлиб, Эрон ядро келишуви доирасига кирмайди. 

Кўпроқ янгиликлар