Россия ташқи ишлар вазири Сергей Лавров АҚШ давлат котиби Рекс Тиллерсон билан музокараларга киришишига ҳалақит берган америкалик журналистларга муносиб жавоб қайтарди. РИА "Новости" ушбу видео билан бўлишди. 

Ташқи сиёсий идоралар раҳбарлари ТИВнинг меҳмонларни қабул қилиш хонасига киришлари биланоқ америкалик журналистлар россиялик вазирга бақириб савол бера бошлашди, аслида эса бундай ҳолатлар учун матбуот анжумани кўзда тутилади. 

"Сизларни ким тарбиялаган?", - дея саволга савол билан жавоб берди Лавров. ОАВ вакиллари уни эшитиши учун саволни яна бир бор такрорлашга тўғри келди. Шундан сўнггина залда жимлик ҳукм сурди. "Мана энди бақиришингиз мумкин", - дея кулди Лавров.