Эрон президенти лавозими учун 500 дан кўпроқ номзод рўйхатга олинди

Жаҳон 13 Апрель 2017 4457

Эрон ички ишлар вазирлигида 19 майда Эронда бўлиб ўтадиган президентлик сайловларида иштирок этиш учун 500 дан кўпроқ киши номзод сифатида рўйхатдан ўтди. Бу ҳақда сайловларни ўтказиш штаби котиби Али Пурали маълум қилди.

Расмий манбаларга кўра, 11 апрелда бошланган сайлов кампаниясининг фаворитлари Эрон президенти Ҳасан Руҳоний ва консерваторлардан асосий номзод Иброҳим Раисий ҳали рўйхатдан ўтмадилар. Улар буни 15 апрелгача амалга оширишлари мумкин.

12 апрелда номзод гувоҳномасини собиқ президент Маҳмуд Аҳмадинажод олди. Бу ҳолат катта шов-шув ва кўплаб салбий фикрларга сабаб бўлди. Бундай муносабат Эроннинг раҳбари оятуллоҳ Али Ҳаменеий ўтган йил кузида Аҳмадинажодга президентлик сайловларида иштирок этишдан тийилишни тавсия қилгани билан боғлиқ. Ҳаменеийнинг фикрича, Аҳмадинажоднинг сайловларда иштирок этиши "мақсад номувофиқдир" ва Эрон жамиятини иккита қарама-қарши томонга бўлаклайди. 

Эроннинг сайловлар ҳақидаги қонунида президентликка номзод "келиб чиқиши ва фуқаролиги бўйича эронлик, ўз обрўсига эга диний ёки сиёсий арбоб, масъулиятли, олиҳиммат, ислом инқилоби тамойилларига ва расмий динга амал қилувчи, яхши номга эга бўлиши кераклиги" белгилаб қўйилган. Номзодлар орасида 13 аёл ҳам бор.  

Номзодларни рўйхатга олиш 11 апрелда бошланди ва 5 кун давом этади. Сўнгра олий шиа мусулмонлари вакиллари ва ислом ҳуқуқшунослари номзодлар орасида қатъий танлов ўтказади. Амалиётнинг кўрсатишича, улар номзодлардан аксарият қисмини рад этади ва энг муносибларини қолдиради. Натижада рўйхатда 10 нафардан кўп бўлмаган номзод қолади.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 23317 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 25004 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12894 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 54161 Жамият
КХДР: Корея ярим оролида уруш чиқиши АҚШ ҳаракатларига боғлиқ
20:00 535 Жаҳон
Тиббиётдаги энг хавфли 10 жараён
19:40 1977 Lifestyle
Шавкат Мирзиёев Қирғизистонга ташриф буюради
Lamborghini машинаси ўғирланган куниёқ ёниб кетди
Россиянинг яна бир шаҳрида Ўзбекистон бош консуллиги очилади
19:23 1756 Жаҳон
Оммавий маданиятга қарши курашамиз деб, оломон маданиятини яратиб қўймадикми?
19:17 1637 Жамият
Кўпроқ янгиликлар