Ўзбекистон Республикаси Марказий банки раисига янги ўринбосар тайинланди. 

Маълум қилинишича, Ҳожизодаев Шерзод Рафатович республика Марказий банки раиси ўринбосари этиб тайинланган.

Ҳожизодаев 2010 йилдан буён «Трастбанк» бошқаруви раиси сифатида фаолият кўрсатиб келаётганди.

Шерзод Ҳожизодаев 1973 йилда туғилган, миллати ўзбек. 1996 йилда Тошкент давлат иқтисодиёт университетини, 2001 йилда Ўзбекистон Банк-молия академиясини тамомлаган.

1996—2006 йилларда Ташқи иқтисодий фаолият миллий банкида турли лавозимлар;
2006—2008 йилларда «Асака» банки бошқаруви раиси ўринбосари;
2008—2010 йилларда Ўзбекистон Марказий банки Тошкент шаҳар бош бошқармаси бошлиғи;
2010—2017 йилларда «Трастбанк» бошқаруви раиси лавозимида ишлаган.