Китоблар оламига саёҳат: дунёдаги энг замонавий кутубхоналар

Lifestyle 20 Апрель 2017 8620

Яхши китобни чиройли кутубхонада ўқиш — бу, албатта, идеал уйғунлик. 2017 йилда AIA / ALA Library Building Awards танловида одамни лол қолдирувчи 8 кутубхона ғолиб бўлди.

Америка архитектура институти (AIA) ва Америка кутубхона ассоциацияси (ALA) билан биргаликда кутубхоналарнинг энг яхши архитектура лойиҳаларини танлаб олди. Бино дунёнинг исталган бурчагида бўлиши мумкин, бироқ архитектор Американинг лицензиясига эга бўлиши керак. 

Бостон жамоат кутубхонаси, Марказий кутубхонанинг таъмирлаш лойиҳаси

Бостон жамоат кутубхонасининг марказий филиалини икки йилда қайтадан ташкил этишди. Бино 1895 йилда қурилган тошли бункердан иборат янги қанотга эга бўлди. Эндиликда нурли хона янги майдонга эшик очади. 

 Коламбус Метрополитан кутубхонаси, Уайтхолл филиали

Кутубхона Оҳайода, марказий Коламбус туманининг чеккасида жойлашган. Бу нафақат билимлар ибодатхонаси, балки ижтимоий ҳаёт маркази ҳамдир. Бино ичида катта ёруғ майдон бўлиб, жавон тўла китоблар жойлашган. Шунингдек, болалар ва ўсмирлар ҳудуди, очиқ компьютерлар ва сокин хоналар мавжуд.  

Бостон жамоат кутубхонаси, шарқий филиал 

Шарқий Бостоннинг янги кутубхонасида катталар, ўсмирлар ва болалар учун ҳудудларга бўлинган битта майдон ажратилган. Устунларсиз қурилган тўлқинсимон том қисми ўқиш залида қуёш нури оқимини чеклаб туради. 

Латвия миллий кутубхонаси

Янги кутубхона майдони — 182 минг. м². Унинг вазифаси мамлакатнинг маданий меросини сақлаб, ҳимоя қилиб, оммага тақдим этиш ҳисобланади. Бу ерда архивларни рақамлаштиришга сўнгги технологиялар жавоб беради, бино эса Риганинг энг чиройли қадамжосига айланган. 

Нью-Йорк жамоат кутубхонаси, Стэплтондаги филиал, таъмирлаш ва кенгайтириш


Даставвал бир хонадан иборат бўлган Стэплтондаги кутубхонани кенгайтириш шаҳар ҳаётини яхшилаш учун қўйилган қадамлардан бири бўлди. Бино ёғочдан қурилган бўлиб, унда эски ва янги хоналар бирлашган. 

Роза Ф. Келлер кутубхонаси ва жамоат маркази, Янги Орлеан 

Кутубхона Нью-Орлеанда, Бродмур туманида жойлашган. Уни ташкил этишдан кўзланган асосий мақсад - Катрина тўфонидан сўнг қайта тикланишнинг рамзини акс эттиришдир. Шаҳарнинг собиқ мэри бу ерда яшил ҳудудни қолдиришни режалаштирган эди, бироқ аҳоли аввалги кутубхонани қайта қуришни талаб қилди. 

Орегон университетининг Аллан Прайс илмий-тадқиқот маркази кутубхонаси, қайта қуриш/кенгайтириш 

Мазкур кутутбхонани лойиҳалаштириш ишларида олийгоҳ талабалари иштирок этишган. Хонага табиий ёруғликни камроқ тушириш мақсадида бино ер остида жойлашган. Босма маҳсулотлар билан банд майдон қисқарган  — эндиликда кутубхонада талабалар ҳаётини қўллаб-қувватлаш энг устувор мақсад этиб белгиланган.

Варинадаги кутубхона, Виржиния 

Кутубхона аввал турар-жой бўлган ҳудудда жойлашган бўлиб, биринчи навбатда, маҳаллий ҳамжамиятнинг эҳтиёжларини қондиришга хизмат қилган. Лойиҳа муаллифлари бино атрофидаги ҳудудга тегинмасликка ва деразалардан атроф яхши кўринишига ҳаракат қилишган.   

Кун янгиликлари
Ўзбекистон ҳафталиги: Президентнинг водий сафари, овозаси чиққан 11 йиллик таълим, ўзбеклар ҳалок бўлган бахтсиз ҳодиса ва бошқа хабарлар
22:41 / 25.06.2017 30275 Жаҳон
Қобил қори Одилжон ўғли: “Ҳайит мотам эмас, хурсандчилик кунидир”
17:44 / 25.06.2017 43374 Жамият
Time нашри интернетдаги энг нуфузли одамлар кимлигини маълум қилди 
23:22 / 26.06.2017 1247 Жамият
Нидерландияда собиқ турмалар қочқинлар учун бошпанага айлантирилмоқда
23:19 / 26.06.2017 365 Жамият
АҚШда ит яна шаҳар мэри этиб сайланди
22:38 / 26.06.2017 3002 Жамият
Усэйн Болт 2020 йилги Олимпиадада иштирок этиши мумкин
22:35 / 26.06.2017 1031 Спорт
Дайжест: Ўзбекистонда ҳайит байрами, Кореяга кетган ўзбек мигрантларида муаммо, босим остида қолган Telegram ва бошқа хабарлар
22:30 / 26.06.2017 3258 Жаҳон
АҚШ олий суди Трампга мусулмонларга АҚШга киришни қисман тақиқлашга рухсат берди
22:17 / 26.06.2017 1814 Жамият
Хитой стартапи 8 минг долларлик электромобиллар сотишни бошлайди
21:53 / 26.06.2017 2710 Технология
Эрон исботланган газ захиралари бўйича етакчилик қилмоқда
20:48 / 26.06.2017 3938 Иқтисодиёт
Кўпроқ янгиликлар