Янги китоб тақдимоти бўлиб ўтди

Маданият 25 Апрель 2017 7394

Ўзбекистон Республикаси Маънавият ва маърифат Кенгаши Республика Маънавият тарғибот маркази ҳузуридаги “Маънавият тарғиботчиси” таълим муассасасининг муассислигида чоп этилган “Маънавият тарғиботи” номли китобнинг тақдимоти бўлиб ўтди. 

Тадбирда таниқли сиёсий шарҳловчи Қобилбек Каримбеков ва ЎзМУ доценти Тўлқин Эшбеклар иштирок этишди. Филология фанлари номзоди Раҳимбой Жуманиёзов томонидан яратилган ушбу китоб барча ижтимоий-сиёсий, маданий, маънавий ва маърифий жараёндаги масалаларни кенг жамоатчиликка етказиш усуллари билан боғлиқ маълумотларни ўз ичига олган. 

Халқ билан мулоқотнинг муҳим манбаи нутқ орқали рўёбга чиқишини билган ҳар бир тарғиботчи инсон қалбига йўл таълим ва тарбиядан бошланишини чуқур идрок этади. Таълим нутқий, тарбия эса хулқий маданиятни тақозо этиши аниқ. Муаллиф китобда худди шу масалаларга диққат-эътиборини қаратган. Шунингдек, китобда ҳар қандай маънавият тарғиботчиси ўз фикрини содда, равон, аниқ ва мантиқий тарзда етказиши учун нотиқлик маҳоратидан қандай фойдаланиши борасида ибратли мулоҳазалар ўрин олган. Тарғибот таъсирчанлиги тараққиёт талаби, маърузачи мақсади – ҳаётийлик, илмийлик, таъсирчанлик, маънавий-маърифий тадбирлар таълим-тарбия таъсирчанлигининг муҳим омили экани, “Ғоямиз-ҳимоямиз” ижтимоий-маърифий, интеллектуал лойиҳанинг туб мазмуни, тарғибот-ташвиқотда нотиқлик санъатининг ўрни, нутқ маҳорати сабоқлари, маънавият – эзгу ният каби бўлимларда бугунги давр талаб этган мавзулар борасида сўз боради. 

Айни пайтда китобга “Маънавият тарғиботчиси” таълим муассасасида муайян мавзулар бўйича сабоқ бераётган йирик мутахассис ва олимларнинг маъруза матнлари ҳам мухтасар шаклда илова қилинган.

 

Кун янгиликлари
Давлат тест маркази раҳбари ўзгарди
14:00 / 29.05.2017 31974 Ўзбекистон
Наманганнинг бир кўчаси: ҳужжатсиз уйлар ва рўйхатда йўқ одамлар
13:58 / 29.05.2017 21793 Жамият
Комилов Ўзбекистонга хориж сармоялари киришига халал бераётган асосий тўсиқларни санади
11:51 / 29.05.2017 43499 Ўзбекистон
TPS’дан “Қўшилинг” янги тариф режаларида интернетга соат 00:00 дан 09:00 гача чекловсиз кириш мумкин
09:57 / 29.05.2017 12896 Технология
Олий хўжалик cудига янги судья сайланди
23:54 / 29.05.2017 1 Ўзбекистон
Тошкент вилоятидаги ахлоқ-тузатиш колонияси отряди бошлиғи пора олаётганда ушланди
23:46 / 29.05.2017 1083 Жамият
Олий суд раиси ўринбосарлари ўзгарди
23:43 / 29.05.2017 462 Ўзбекистон
Фотожамланма: Москвадаги довул оқибатлари
23:14 / 29.05.2017 1608 Жаҳон
Газ ва электр энергияси тўловларини энди Бош прокуратура ҳузуридаги Мажбурий ижро бюроси ундиради
23:08 / 29.05.2017 2267 Ўзбекистон
Навальний - Алишер Усмонов видеожанги: мухолифатчи олигархга қарши далилларни санаб чиқди
22:58 / 29.05.2017 3478 Жаҳон
Кўпроқ янгиликлар