Татаристонда 1 май кечки вақт учта енгил машина иштирокидаги йўл-транспорт ҳодисасида 5 киши, жумладан бир бола ҳалок бўлди ва яна 5 киши, жумладан 2 бола жароҳат олган. Улар шифохонага етказилганлар.

Машиналар Р-241 "Қозон-Ульяновск" автомобиль йўлининг 38 километрида ўзаро тўқнашиб кетган.

Республика фавқулодда вазиятлар вазирлиги маълумотларига кўра, Ford (3 нафар катта одам ва бир бола), "Приора" (5 киши, жумладан 3 бола) ва Peugeot кроссовери (2 нафар катта ёшли одам) машиналари тўқнашиб кетган.

Фото: tatar-inform.ru

Маълум қилинишича, "Пежо" ҳайдовчиси қарама-қарши йўналишга чиқиб кетган ҳамда "Форд Фокус" ва "Лада Приора" билан тўқнашиб кетган. "Пежо" ҳайдовчиси нима учун қарама-қарши йўналишга чиқиб кетгани сабаби ўрганилмоқда.

"Форд Фокус"даги 5 ойлик қизча, "Приора"даги 20 ёшли қиз ва ҳайдовчи, "Пежо" ҳайдовчиси ва йўловчиси ҳалок бўлганлар.

Қутқарувчилар ва ўт ўчирувчилар машина ичида сиқилиб қолган йўловчилар ва жасадларни чиқариб олишган ва уларни шифокорларга топширишган. Ҳалокат оқибатларини бартараф этишга 34 киши, 11 та техника воситаси жалб қилинган.

Фото: tatar-inform.ru
Фото: tatar-inform.ru
Фото: tatar-inform.ru
Фото: tatar-inform.ru
Фото: tatar-inform.ru
Фото: tatar-inform.ru
Фото: tatar-inform.ru