Янги Зеландия полицияси Эллиот лақабини олган денгиз чўчқасини расман ўз сафига қабул қилди. Унга кўра, ҳуқуқ ҳимоячилари жонивордан маҳаллий ҳайдовчиларни тезлик режимига риоя қилишга чорловчи ижтимоий рекламада фойдаланишни режалаштиришмоқда. 

Ҳатто махсус кийим ҳам тайёрланган Эллиотнинг ҳуқуқ-тартиботчилар қаторига қўшилиши ҳақидаги хабар Янги Зеландия полициясининг Facebook'даги саҳифасида пайдо бўлди. Таъкидланишича, у ўз ишини шошилмай, максимал хавфсиз бажаради. 

Полициянинг бу эълони 1 майдан Янги Зеландия мактабларида машғулотларнинг тикланишига қаратилган. Ҳайдовчилар ўқув муассасалари олдида ҳаракатланишда эҳтиёт бўлишга ва назоратчиларга эътиборли бўлишга чақирилмоқда.