Toshkent shahar ichki ishlar boshqarmasi to‘laqonli rasmiy veb-sahifasiga ega bo‘ldi. Endilikda, www.guvd.uz sayti orqali shahar ichki ishlar bosh boshqarmasi faoliyati bilan kechayu-kunduz tanishib borish mumkin. IIBBda bo‘lib o‘tgan matbuot brifingida shu haqda ma'lum qilindi.
Shahar IIBB boshlig‘i o‘rinbosari Doniyor Toshxo‘jayevning ma'lum qilishicha, sinov tariqasida ish boshlagan mazkur saytda Toshkent shahar ichki ishlar bosh boshqarmasi sohaviy tizimlari tomonidan olib borilayotgan tadbirlar yoritib boriladi va barcha masalalar yuzasidan murojaat qilinishi mumkin.
Sayt o‘zbek va rus tillarida yuritiladi. Unda yangiliklar, Bosh boshqarma rahbariyati va ularning fuqarolarni qabul qilish kunlari haqida ma'lumotlarni bilib olish mumkin. Bundan tashqari, onlayn murojaat qilish va murojaat ko‘rib chiqilishi qaysi bosqichda ekanini bilib olish imkoni mavjud.
«Savol va javoblar», «Profilaktika kuni» nomli bo‘limlari ma'lumotlar bilan to‘ldirilmoqda.
