Вазирлик Шаҳрихондаги эпидемик вазият юзасидан сўнгги маълумотларни берди

Ўзбекистон 17 Май 2017 44498

Андижон вилояти Шаҳрихон туман тиббиёт бирлашмасига 2017 йил 15 май куни соат 14:30 дан бошлаб, 22:00 га қадар жами 186 нафар фуқаро туман тиббиёт бирлашмасининг турли бўлимларига кўнгил айниши, қайт қилиш, бош оғриғи ва тана ҳароратининг кўтарилиши, умумий ҳолсизлик каби касаллик белгилари билан тиббий ёрдам сўраб мурожаат қилган. Бу ҳақда Соғлиқни сақлаш вазирлиги ахборот хизмати маълумотида айтилган.

Шифохоналарга мурожаат қилган жами беморларнинг 4 нафарининг аҳволи ўртача оғирликда бўлганлигини инобатга олиб, улар туман тиббиёт бирлашмасининг реанимация бўлимига ётқизилган ва муолажалардан сўнг аҳволи яхшилангач, шу куннинг ўзидаёқ умумий бўлимга ўтказилган. Қолган беморларнинг аҳволи анча  енгил, уларга умумий палаталарда тиббий ёрдам ташкил этилган. 2017 йилниннг 17 май соат 17:00 ҳолатига кўра, шифохонада 33 нафар бемор шифокорлар назоратида бўлиб, уларнинг аҳволи ҳам яхшиланмоқда.

Шифохона ва унинг бўлимлари зарур дори-дармонлар, инфузион эритмалар, бир маротаба ишлатиладиган шприц ва системалар билан етарли миқдорда таъминланган. 

Андижонда музқаймоқдан оммавий заҳарланиш рўй берди. 200га яқин киши шифохонага тушди

Беморлар билан ўтказилган суҳбат давомида барча беморлар ўз касалликларини 2017 йил 14 май куни Шаҳрихон туман маркази, Амир Темур кўчасида жойлашган “МАКС” кафесида фрезерли музқаймоқ истеъмол қилиш билан боғлаган. 

Аниқланишича, Бултирбоев Жаҳонгирмирзо Жамолиддин ўғли якка тартибдаги тадбиркор сифатида 2015 йил 4 апрелида 0004238 рақами билан Андижон вилояти, Андижон тумани, ягона дарча марказидан рўйхатдан ўтказилган.

Аммо у ҳеч қандай  тегишли рухсатномалар расмийлаштирмасдан, ўзи яшайдиган Андижон шаҳар, Фаробий МФЙ, Тешабой Мирзаев кўчасидаги 29-уйда ноқонуний равишда музқаймоқ учун қоришма тайёрлаш цехи ташкил этган. Музқаймоқ тайёрлаш жараёнида эса санитария талабларига риоя қилинмаган. Музқаймоқ қоришмаларини озиқ-овқат маҳсулотларини ташиш мумкин бўлмаган пластмасса идишларда кафега олиб келиб, сотилишига йўл қўйилган.

Музқаймоқ қоришмаси вақтинчалик сақланадиган идишлар, 4 та фрезер ускуналарининг музқаймоқ солинадиган сиғимлари ҳамда фрезер ускунаси қисмларини ювиш ва зарарсизлантириш учун шароит яратилмаган, дезинфекция воситаларидан фойдаланилмаган.

Тадбиркорда юмшоқ музқаймоқ қоришмаси тайёрлашда хавфсизлигини кафолатловчи ҳужжатлари бўлмаган, музқаймоқ ишлаб чиқаришда эса ишлаб чиқарилган вақти ва яроқлилик муддатлари номаълум бўлган хомашёлардан фойдаланилган. Кафеда фаолият юритган 4 нафар ходим ўрнатилган тартибда тиббий кўрикдан ўтмаган. 

Юзага келган  эпидемик вазиятни жойига чиқиб ўрганиш, беморларга ва маҳаллий мутахассисларга ўз вақтида ҳар жиҳатдан амалий ёрдам кўрсатиш учун Соғлиқни сақлаш вазирининг ўринбосари, Республика бош давлат санитария врачи С.Сайдалиев, Вирусология илмий текшириш институти директори Э.Мусабаев, Эпидемиология, микробиология ва юқумлик касалликлар илмий текшириш институти директори А.Абдушукуров ва вазирликнинг бир гуруҳ етакчи мутахассислари Андижон вилояти Шаҳрихон туманига юборилган.

Андижон вилояти Шаҳрихон туманида кузатилган эпидемик вазият Соғлиқни сақлаш вазирлиги томонидан алоҳида назоратга олинган. 

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71662 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37279 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21592 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81365 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61958 Жамият
Forbes: Бой бўлишдан уялмаган Малкольм Форбс
01:13 1185 Lifestyle
Зидан ҳеч қандай музокараларсиз «Реал» билан шартномани узайтиради
00:53 835 Спорт
Бразилияда бортида 70 киши бўлган паром чўкиб кетди
00:20 769 Жаҳон
Германиядаги йўл-транспорт ҳодисасида 44 руминиялик жабрланди
00:17 348 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 661 Маданият
Кўпроқ янгиликлар