Niderlandiya qiroli o‘zi bilan bog‘liq katta sirni ochdi

Niderlandiya qiroli Villem-Aleksandr o‘zi bilan bog‘liq katta sirni oshkor qildi: u hanuzgacha yashirin tarzda KLM Cityhopper aviakompaniyasi reyslarida ikkinchi uchuvchi bo‘lib ishlar ekan. U bir oyda ikki marta muntazam ravishda parvozlarda ishtirok etadi. 

Qirolning aytishicha, u o‘zining aslida kimligini oshkor qilmagan holda yo‘lovchilarni ekipaj nomidan qutlashni xush ko‘radi. Biroq, ba'zida uni ovozidan tanib qolishadi.

VVS telekompaniyasining ta'kidlashicha, qirolda uchuvchilik guvohnomasi borligi avval ham ma'lum bo‘lgan: u bu ruxsatnomani saqlab qolish uchun vaqti-vaqti bilan kichik o‘lchamdagi Fokker 70 samolyoti shturvali ortiga "taklif qilingan mehmon uchuvchi" sifatida o‘tirgan. Biroq uning yo‘lovchi reyslarda uchuvchi bo‘lib ishlashini hanuzgacha hech kim bilmagan. 

Villem-Aleksandr yana bir sirni oshkor qildi: u yozda malaka oshirish kurslaridan o‘tib, uzoqda joylashgan shaharlarga ko‘p sonli yo‘lovchilarni tashish uchun Boeing 737 laynerini boshqarishni o‘rganib olmoqchi.