Табиатга қарийб 35 миллион сўмлик зиён етказган шахслар ушланди

Жамият 20 Май 2017 5347
Иллюстратив фото

Ҳазорасплик фуқаролар Р.Худойберганов, Д.Бобоев, Х.Рўзметов, Л.Худойберганов ва Ш.Авазязов биргаликда балиқ овлаб сотишни мақсад қилишади. Бир қарашда, бунинг ҳеч бир ёмон жойи йўқдай туюлса-да, бироқ улар ўз мақсадларини қонунга хилоф равишда, устига-устак давлат чегараларини бузиб ўтган ҳолда амалга оширишни режалаштирган эдилар, деб ёзади “Ҳуқуқ” газетаси.

Улар режани пухта қилишгач, қонун талабларига зид равишда Питнак шаҳрининг Туркманистон Республикаси билан чегарадош ҳудудидаги айланма йўллардан резина қайиқ орқали Туркманистоннинг Лебап вилояти, Газачак шаҳрига ўтишади. Бу ерда улар икки кун давомида 130 килограмм балиқ овлаб, яна шу йўл орқали ортларига қайтишади.

Овлари бароридан келгач, кейинги сафар тўрни янада “чуқурроқ” ташлашни мақсад қилишади. Бу гал уларга фуқаро Ф.Султонов ҳам қўшилади. Олти киши бўлиб, тўрт кун давомида қонун ҳужжатларига хилоф равишда 604 килограмм балиқ овлаб, Ҳазораспга ноқонуний равишда айланма йўллар орқали қайтиб келадилар. Табиатга умумий ҳисобда 34 млн. 448 минг сўм миқдорида жиддий зиён етказган бу шоввозларни чегарани бузиб ўтган маҳалда юртимизнинг сергак ҳимоячилари кутиб олишди.

Юқорида номлари қайд этилган қонунбузарлар содир этган қилмишлари учун тегишли жазога тортилди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 19271 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 48787 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 22457 Ўзбекистон
Қозоғистонда ўзбек автомобиллари ишлаб чиқарилиши кенгайтирилиши мумкин
Лотин алифбосидан кимлар қўрқади?
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
Мустақиллик байрами Миллий боғда ўтказилмайди
Samsung Galaxy S9 cмартфони билан боғлиқ баъзи маълумотлар ошкор бўлди
2018 йил ҳосили учун август пиёзи ҳамда тўқсонбости усулида сабзавот экинларини жойлаштиришга доир қарор имзоланди
Полиция Барселона теракти ижрочиси йўқ қилинганини тасдиқлади
22:20 1153 Жаҳон
Кўпроқ янгиликлар