GE Aviation дунёдаги энг катта ва энг кучли авиадвигатель GE9X’ни синовдан ўтказишни бошламоқда. Бу двигатель Boeing 777X самолётларига ўрнатилиши кўзда тутилган. Сертификатлаш синовлари 2-босқич синовларини ўз ичига олади. Бу синов давомида двигателнинг эълон қилинган тортиш кучи, ёнилғи сарфлаши ва бошқа кўрсаткичлари синовларда олинган ҳақиқий кўрсаткичлари билан таққосланади.

Аввалроқ двигателнинг илк прототипи завод синовларидан ўтказилиб, унга турли ўлчамдаги чиқиндиларни ташлашга бардош берди ҳамда чанг ва музга синовлардан ўтди. GE9X устида 2012 йилдан бери ишланмоқда ва у авиацион двигателсозлик соҳасидаги энг кутилаётган ишланмалардан бири ҳисобланади.

Тортиш кучи 45,4 тоннага эга двигатель бундай қурилмаларга ўрнатиладиган дунёдаги энг катта диаметрга эга (3,35 метр) вентилятор, 16 та углепластикли куракча, юқори босимли 11 поғонали компрессор (сиқиш даражаси 27:1) ва ёниш камераси билан жиҳозланган.

Компаниянинг маълум қилишича, дунёда бирорта тижорий двигатель бундай юқори сиқиш даражасига эга эмас. Двигатель конструкциясида 1,3 минг градусгача ҳароратга дош бера оладиган композицион материаллар фаол қўлланган. Қурилманинг баъзи деталлари 3D-босма қўлланган ҳолда яратилган.

Компания Emirates, Lufthansa, Etihad Airways, Qatar Airways, Cathay Pacific ва бошқа авиакомпаниялардан 700 та дан кўпроқ бундай двигателга буюртма олди. Буюртмаларнинг умумий қиймати 29 млрд долларни ташкил қилади.