26 май куни Тошкент шаҳридаги “Универсал” спорт саройида илк маротаба паралимпия дзюдоси бўйича 2020 йил Токиода бўлиб ўтадиган ёзги Паралимпия ўйинларига рейтинг очколарини берадиган Осиё ва Океания чемпионати бошланди.

Ушбу мусобақада Осиёнинг энг кучли Эрон, Жанубий Корея, Ҳиндистон, Ироқ, Тожикистон, Хитой Тайпей, Тайланд, Қозоғистон ва жаҳоннинг энг кучли жамоаси ҳисобланадиган Ўзбекистон жамоалари иштирок этмоқдалар.

Мусобақанинг очилиш маросимида эстрада юлдузлари, болалар ва миллий рақс ансамбллари ўз дастурлари билан иштирок этдилар. Очилиш маросимида Ўзбекистон Миллий Паралимпия Ассоциацияси раиси ўринбосари Ташходжаев Мухторхон сўзга чиқиб, барча иштирокчиларни мусобақа билан табриклади ва чемпионатни очиқ деб эълон қилди.

26 май ҳолатига кўра аёллар ўртасида:

48 кг гача вазн тоифасида 1-ўринни Комилова Ёқутхон (Ўзбекистон), 2-ўринни Лее Кай Лин (Хитой Тайпей), 3 ўринни Хуррамова Лобар (Ўзбекистон) эгалладилар.

52 кг гача вазн тоифасида 1-ўринни Саллаева Севинч (Ўзбекистон), 2-ўринни Вонгчонгпху Метхини (Тайланд) эгаллади.

57 кг гача вазн тоифасида 1-ўринни Шерипбоева Нафиса (Ўзбекистон), 2-ўринни Кхвайнгмуянг Аитсарапхон (Тайланд) эгаллади.

Эркаклар ўртасида:

60 кг гача вазн тоифасида 1-ўринни 2016 йилги Паралимпия ўйинлари чемпиони Намозов Шерзод (Ўзбекистон), 2-ўринни Ли Мин Жай (Жанубий Корея), 3-ўринни Банитаба Хорам Абади Сейед Мейсам (Эрон) ва Жанг Сеонгжин (Жанубий Корея) эгаллади.

66 кг гача вазн тоифасида 1-ўрин Рахмати Сайид (Эрон), 2-ўрин Турумбетов Азамат (Қозоғистон), 3-ўрин Сингх Жайдипкумар Хридая (Хиндистон) ва Туймурадов Адизжонга (Ўзбекистон) насиб этди.

73 кг гача вазн тоифасида 1-ўринни Сайидов Феруз (Ўзбекистон), 2-ўринни Караматов Даврухон (Ўзбекистон), 3-ўринни Даулет Темиржан (Қозоғистон) ва Янг Сюнгжун (Жанубий Корея) эгаллади.

27 май куни аёллар ўртасида 63 кг, 70 кг гача вазн тоифаларида ҳамда эркаклар ўртасида 81 кг,  90 кг, 100 кг гача ва 100 кг дан ошиқ вазн тоифаларида баҳслар бўлиб ўтади.