Ўзбекистонда яшовчи кам таъминланган оилаларга кўрсатилаётган маънавий ва моддий ёрдам бугунги кунга келиб кенг кўламда олиб борилмоқда. Ушбу оилаларнинг моддий ҳолатини яхшилаш, уларни кичик бизнес ва тадбиркорлик билан шуғулланишлари учун Президент ташаббуси билан турли чора-тадбирлар амалга оширилмоқда.

Жумладан, жойларда кам таъминланган, айниқса, ногирон ва меҳнатга лаёқатлилик даражаси чекланган фуқароларни молиявий қўллаб-қувватлаш ва уларнинг иш билан бандлигини таъминлаш мақсадида Президент Шавкат Мирзиёевнинг шахсан берган топшириғи асосида барча ҳудудларда аҳолининг мазкур қатламига беғараз асосда тикув машиналари ва матолар топширилмоқда. 

Ана шундай дастлабки тадбир 27 май куни Андижон вилоятининг Избоскан туманида бўлиб ўтди.