Namangan viloyatining Uychi tumanida o‘tkazilgan tezkor tadbir jarayonida shu tumanda yashovchi, M.N. va A.A.lar 4 kg. 150 gr. marixuana giyohvandlik vositasini 700.000 so‘mga sotayotganlarida ushlandilar. Bu haqda O‘zbekiston Respublikasi IIV matbuot xizmati xabar berdi.
Mazkur holat yuzasidan O‘zbekiston Respublikasi Jinoyat kodeksining 273-moddasi 5-qismi bilan jinoyat ishi qo‘zg‘atildi.
Hozirgi kunda ushbu giyohvand moddaning manbasini aniqlashga qaratilgan tezkor surishtiruv ishlari olib borilmoqda.
