АҚШнинг Аляска штатидаги Анкориж шаҳрида гольф майдонига ўйин вақтида югуриб чиққан айиқ тасвирга олинди. Видео YouTube’даги Storiful каналида жойлаштирилди.

Видеодан кўринишича, дарахтлар орасидан чиқиб келган айиқ гольф тўпи тушириладиган чуқурча ёнида ўрнатилган байроқча ёнига келиб, орқа панжаларига туриб, байроқни итариб, сўнгра четга қочган.

Сўнгра айиқ майдондаги эркаклар уни ҳайқириқлар билан ҳайдашга ҳаракат қилаётган вақтда улардан бирининг сумкасини ҳидлаб кўриб, ундан ниманидир тумшуғи билан олиб, яна ўрмонга қараб кетган.