Fuqarolar besh metrli timsohni bog‘lab qo‘yib, hukumatga topshirishdi (video)

Shri-Lankadagi Akuress shahri aholisi 4,5 metrli uzunlikka ega timsohni bog‘lab qo‘yib, yovvoyi tabiatni muhofaza qilish mahalliy departamentiga topshirishdi. Ro‘y bergan holat tasvirlangan videoyozuv Hiru News yangiliklar portalining YouTube’dagi kanalida 5 iyun kuni e'lon qilindi. Ikki kun ichida rolik 24 ming marotaba ko‘rilgan.

Hiru News’ning ta'kidlashicha, yirtqich hayvonni mahalliy qishloq fuqarolaridan biri payqagan hamda u bu haqda hamqishloqlarini xabardor etgan. Timsoh topshirilgan departament xodimlari uni tabiat qo‘yniga qo‘yib yuborishlari kerak edi.