Ижтимоий соҳани ривожлантиришда кузатилаётган айрим муаммолар 

Жамият 09 Июнь 2017 5364

2017 йилнинг 9 июнь куни Вазирлар Маҳкамасида Ўзбекистон Республикаси Президентининг “Ўзбекистон Республикасини янада ривожлантириш бўйича Ҳаракатлар стратегияси тўғрисида”ги Фармонига мувофиқ ташкил этилган Ижтимоий соҳани ривожлантиришнинг устувор йўналишларини амалга ошириш бўйича Комиссия мажлиси бўлиб ўтди. 

Аҳоли бандлигини таъминлаш, ижтимоий ва таълим тизимидаги объектларни капитал таъмирдан чиқариш, арзонлаштирилган уй-жойлар қурилиши каби масалалар муҳокама марказида бўлди.

Мажлисда вазирлик ва идоралар раҳбарларидан ташқари, вилоят хокимликларининг мутасаддилари, жамоат ташкилотлари вакиллари, сенаторлар ва депутатлар иштирок этди. Бундай кенг кўламда қилинган ишлар йўл қўйилаётган сусткашликларни очиқ ойдин муҳокама қилиб, жойида муаммоларга тезкор ечим йўлларини топиш, таклиф ва ташаббуслар киритиш имконини берди. 

Комиссия таҳлилига кўра, дастлабки беш ой давомида ижтимоий соҳани ривожлантириш борасида белгиланган вазифалар баъзи йўналишларда анча оқсоқланиб қолмоқда. Мутасаддиларнинг бу муаммоларга жиддий қараши, ҳисобот даврини кутмасдан, олдиндан вазиятни тўғрилашга ҳаракат қилиши кераклиги таъкидланди.

Мактаб ва коллежлар, тиббий муассасалар ва ижтимоий объектлар капитал таъмирланиши, қурилиш ва реконструкция масалаларида ҳам бир қанча муаммолар бор. Бунинг сабаблари, қандай чоралар кўрилаётгани ва қандай таклифлар бор, деган саволларга Ўзбекистон Республикаси Бандлик ва меҳнат муносабатлари, Халқ таълими, Соғлиқни сақлаш вазирликлари, ҳокимиятлар вакиллари жавоб берди.

Аҳолини арзонлаштирилган уй-жойлар билан таъминлаш, хусусан, 2017 йил давомида 15 минг турар жой уйларини барпо этиш масаласи жиддий муҳокамаларга сабаб бўлди. Таҳлил натижаларига кўра, 1 июньга қадар мамлакат бўйлаб 13 мингта уй-жойлар фақат пойдевор қўйиш босқичида турибди. 

Шу билан бирга, аввал қуриб топширилган баъзи уйларнинг сифати, инфратузилмаси – ичимлик сув, электр таъминоти, табиий газнинг етишмаслиги, ички йўллар масалалари аҳолининг мурожаатларига сабаб бўлмоқда. Бу борада ҳужжатларнинг вақтида тайёрланмаслиги, молиялаштириш ва умуман қурилиш соҳасини ривожлантиришдаги тўсқинликлар ўртага қўйилди.

Айтиш жоизки, муҳокамалар айбдорларни излаш эмас, балки масалаларнинг очиқ-ойдин ўртага олиб чиқилиши, сабаблари аниқланиши, тўсиқларни олдини олиш ва муаммоларни ҳал этиш йўлларини излашга қаратилди.

Комиссия қошида 5 та кичик комиссиялар ташкил этиб, тезкор равишда жараённи ўрганиш ва ечимлар топиш борасидаги таклиф қўллаб-қувватланди. Яқин орада ҳар бир йўналиш бўйича “йул хариталари” ва дастурлар ижроси бўйича аниқ режалар тасдиқланишига келишиб олинди.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 93950 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46029 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51315 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9160 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20012 Ўзбекистон
Бразилия полицияси мавжуд бўлмаган спортчиларда пул қилган гуруҳни аниқлади
00:50 98 Жаҳон
Барселонада “Европанинг исломлашувига” қарши намойиш тарқатиб юборилди
00:40 427 Жаҳон
Олий Мажлис сенаторларидан бирининг ваколати муддатидан аввал тугатилди
Трамп ўзининг бош маслаҳатчаларидан бирини бўшатишга қарор қилди
00:24 321 Жаҳон
Дунёдаги энг кекса қочқин аёлга Швецияда бошпана бериш рад этилди
00:11 1193 Жаҳон
Кўпроқ янгиликлар