Лукашенко: агар ШҲТга аъзо давлатлар истаса, ҳеч ким ҳеч қаерда вазиятни издан чиқара олмайди

Жаҳон 09 Июнь 2017 11290
Фото: Tengrinews.kz

Беларусь президенти Александр Лукашенко Остонада ўтаётган Шанхай ҳамкорлик ташкилотига аъзо давлатлар раҳбарлари кенгаши йиғилишидаги нутқида Шанхай ҳамкорлик ташкилоти жадаллик ва изчиллик билан энг нуфузли халқаро тузилмалардан бирига айланаётганини таъкидлаб ўтди. Беларусь ҳозирда ташкилотда кузатувчи давлат ҳисобланади.

"Минтақавий ихтилофлар кучаётган шароитларда сайёрамизнинг ярим аҳолисини билдирувчи давлатларнинг яқинлашаётгани алоҳида таҳсинга сазовордир. ШҲТнинг бугунги кундаги ўзига хослиги шундаки, ШҲТнинг барча аъзолари истаса ҳеч ким дунёнинг ҳеч қаерида ва ҳеч қачон вазиятни издан чиқара олмайди. Буни кўриш керак – бу бугунги кунда яратилган жуда улкан қадриятдир. Жипслик ва бирдамлик – замонавий чақириқ ва таҳдидлар, жумладан террорчилик, экстремизм, уюшган жиноятчиликка қарши курашдаги муҳим омилдир", деб юзланди иштирокчиларга Лукашенко.   

Лукашенко ШҲТни бугунги кунда дунё тараққиётининг кун тартибидаги бирорта масала бўйича эътиборга олмасликнинг иложи йўқлигини айтди. 

"ШҲТ нуфузининг кучаётганидан халқларнинг биргаликда ўзаро манфаатли ва осойишта, тенг ҳуқуқли яшашининг Шанхай йўлини қўллаб-қувватловчи давлатларнинг кўпаётгани дарак беради. Иккита қудратли давлат – Ҳиндистон ва Покистон унинг тенг ҳуқуқли аъзоларига айланмоқдалар. Бу саммит учун энг муҳим натижадир. Шуни қўшимча қила оламанки, бу ташкилотимизнинг жасурона ва маъсулиятли қадами бўлди", деб таъкидлаб ўтди Беларусь президенти.

Лукашенко ўз нутқида Евросиё қитъасида озиқ-овқат хавфсизлигини таъминлаш ташаббусини қўллаб-қувватлашини айтди.

"Муаммо авж олмоқда. Беларусь озиқ-овқат маҳсулотлари ишлаб чиқарувчи йирик давлат сифатида бу соҳада сунъий тўсиқларнинг олиниши тарафдори. Биз, охир-оқибат, бу ташкилотда бирлашган ўз халқларимизнинг қорнини тўйғазишимиз керак. Шунингдек, Евросиёда маҳсулотлар, хизматлар, капитал, ишчи кучи ҳаракатига тўсиқларни бартараф этиш бўйича масалаларни ҳал қилишга катта аҳамият берамиз. Бу муаммони ҳал этиб, биз шундай қиламизки, дунё умуман у ҳақда гапирмайдиган бўлади, чунки Евросиё қитъаси сайёрамиздаги энг улкан ва асосий қитъадир", деб ўз фикрларини билдирди Лукашенко.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 20300 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 23678 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12126 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 13111 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 42391 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 53525 Жамият
Кун.uz офис изламоқда
15:48 / 06.08.2017 48049 Lifestyle
ОАВ: Барселонадаги теракт ижрочиси ҳужумдан 4 кун аввал Парижга борган
17:59 297 Жаҳон
Мактаб ва поликлиникалардаги бухгалтериялар қисқартирилади
17:57 752 Жамият
КХДР Гуам оролига уюштириладиган тахминий ҳужум  видеосини тақдим этди
17:55 729 Жаҳон
Кўпроқ янгиликлар