ЖЧ–2018 саралаши. Эрон – Ўзбекистон учрашуви превьюси

Спорт 11 Июнь 2017 57211

Осиё минтақасидан ЖЧ–2018 турнирига саралаш босқичи А гуруҳи, 8-турида Ўзбекистон терма жамоаси сафарда Эрон футболчиларига қарши баҳс юритади. Беллашув 12 июнь, душанба куни Теҳрон шаҳридаги “Озоди” стадионида бўлиб ўтади. Ўйин Тошкент ватқи билан 21:45 да бошланади.

ЎФФ матбуот хизмати жамоалар ўртасидаги ўзаро ўйинлар статистикаси, таркибдаги йўқотишлар ва бўлажак ўйинга оид бошқа маълумотларни тақдим қилди.

Ўзаро учрашувлар

Ўзбекистон ва Эрон шу кунгача 7 марта ўзаро тўқнаш келган. Форслар 5 ўйинда ғалаба қозонган бўлса, битта учрашувда Ўзбекистон миллий терма жамоаси зафар қучган. Яна бир ўйинда муроса кўчаси танланган. Ўзбекистон миллий терма жамоасининг Эронга қарши ягона ғалабаси 2012 йили Теҳронда қайд этилган.

Жамоалар ўртасидаги барча ўйинлар натижаси

14.12.1998          Ўзбекистон – Эрон 0:4  |  Осиё ўйинлари 1/4 финал

11.07.2007          Эрон – Ўзбекистон 2:1  |  Осиё Кубоги, гуруҳ босқичи

05.09.2009          Ўзбекистон – Эрон 0:0  |  Ўртоқлик ўйини

03.06.2012          Ўзбекистон – Эрон 0:1  |  ЖЧ–2014 саралаши

14.11.2012          Эрон – Ўзбекистон 0:1  |  ЖЧ–2014 саралаши

11.06.2015          Ўзбекистон – Эрон 0:1  |  Ўртоқлик ўйини

06.10.2016          Ўзбекистон – Эрон 0:1  |  ЖЧ–2018 саралаши

Бўлажак ўйинга тайёргарлик

Ўзбекистон миллий терма жамоаси Эронга қарши ўйин олдидан 6 июнь куни Тошкентда Таиланд термаси билан куч синашди. Темурхўжа Абдухолиқов ва Сардор Рашидовнинг голлари Ўзбекистонга 2:0 ҳисобидаги ғалабани олиб келди.

Эрон термаси 4 июнь куни Подгорица шаҳрида Черногория футболчиларига қарши баҳс олиб борди. Сардор Ўзмуннинг дубли Карлуш Кейруш жамоасига 2:1 ҳисобидаги ғалабани келтирди.

Йўқотишлар

Ўзбекистон терма жамоаси сафида бир қатор йўқотишлар мавжуд. Жумладан, Виталий Денисов, Ислом Тўхтахўжаев, Александр Мерзляков каби футболчилар Таиланд ва Эронга қарши ўйинларда майдонга тушмаслиги анча олдин маълум бўлган эди.

Кейинроқ шифокорлар тавсиясига кўра Одил Ҳамробеков миллий терма жамоа лагерини тарк этиб, “Насаф” ихтиёрига юборилди. Таиланд билан ўйинда жароҳат олган Марат Бикмаев ва клубда оёғини шикастлаган Даврон Ҳошимов ҳам Эронга бормаслиги маълум бўлди.

Эрон терма жамоаси сафида йўқотишлар йўқ. Ўзбекистон билан ўйинга жалб қилинган футболчилардан ҳеч бири жароҳат олмаган ёки маълум сабабларга кўра лагерни тарк этмаган. 

ФИФА рейтингидаги ўрни

1 июнь куни Халқаро футбол федерацияси (ФИФА)нинг янгиланган рейтингни эълон қилинган эди. Унга кўра, Ўзбекистон терма жамоаси 582 очко билан 62-ўринни эгаллади. Ҳисобида 829 очко бўлган Эрон жаҳон рейтингида 30-поғонадан жой олди. ОФКга аъзо мамлакат терма жамоалари ўртасида форслар биринчи, Ўзбекистон олтинчи ўринда бормоқда.

Учрашув ҳакамлари

Эрон – Ўзбекистон учрашувига уммонлик ФИФА рефериси Аҳмад Абу Бакар Саид ал-Каф мазкур бош ҳакам этиб тайинланди. Унга қанотларда ҳамюртлари Ҳамид Сулаймой Марҳун ал-Маҳайи ҳамда Абу Бакар Салим Маҳад ал-Амри ёрдам беради. Умар Муборак Мазаруа ал-Ёқубий захира ҳаками сифатида ишлайди.

Ҳакамлар ишига малайзиялик Муҳаммад Солиҳ Субҳиддин баҳо беради. Учрашув комиссари этиб япониялик Каисе Томохиро тайинланди. Хавфсизлик бўйича офицер – Тара Сингҳ (Малайзия).

Гуруҳдаги вазият

ЖЧ–2018 турнирига саралаш босқичи А гуруҳи 7-туридан кейин вазият қуйидагича: Эрон 17 очко билан пешқадам, Жанубий Корея 13 очко, Ўзбекистон 12 очко билан мос равишда 2–3 ўринларни эгаллаб турибди. Гуруҳдаги 4–6 ўринларни эса тегишли равишда Сурия (8 очко), Хитой (5 очко) ва Қатар (4 очко) эгаллаган.

А гуруҳи 8-турнинг қолган ўйинлари

Саралаш босқичининг А гуруҳи 8-турида Сурия нейтрал майдон – Малайзияда Хитой терма жамоаси билан тўқнаш келади. Ўйин 13 июнь куни Тошкент вақти билан соат 18:45да бошланади. Қатар термаси эса 13 июнь куни Жанубий Кореяни Доҳа шаҳрида қабул қилади. Беллашув бошланиши Тошкент вақти билан 23:59га белгиланган.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 16895 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 22210 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 11293 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 12145 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 40421 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52885 Жамият
Кун.uz офис изламоқда
15:48 / 06.08.2017 47727 Lifestyle
Зафар Ҳошимов лотин алифбоси, ўзбек тилининг мавқеини ошириш ва чет тилларга ҳурмат сақлаш ҳақида
Япония ТИВ раҳбари: КХДР ядро дастуридан воз кечмагунга қадар унга босим ўтказиш керак
15:40 409 Жаҳон
Қатар зиёратчиларнинг Саудияга парвозларини блокламоқда
15:35 768 Жаҳон
Кўпроқ янгиликлар