АҚШнинг Виржиния штатидаги бейсбол майдонида отишма рўй берди.

CBS телеканали хабарига кўра, отишма оқибатида америкалик конгрессмен, республикачи Стив Скэлис ҳамда яна 3 киши жароҳат олган. Ҳужум айнан конгрессмен ҳаётига суиқасд сифатида гумон қилинмоқда.

Дастлабки маълумотларга кўра, ҳудудда камида 50 марта ўқ овози янграган. Ҳужумда автомат қуролдан фойдаланилган.

Воқеа жойига вертолётлар етиб келиб, жароҳатланганларни эвакуация қилиш ишлари бошланган.

Айни вақтда ҳудудда ҳуқуқ-тартибот органлари ходимлари иш олиб боришмоқда.