17:28 / 14.06.2017
8905

Vashington yaqinida otishma - kongressmen yaralandi

AQShning Virjiniya shtatidagi beysbol maydonida otishma ro‘y berdi.

CBS telekanali xabariga ko‘ra, otishma oqibatida amerikalik kongressmen, respublikachi Stiv Skelis hamda yana 3 kishi jarohat olgan. Hujum aynan kongressmen hayotiga suiqasd sifatida gumon qilinmoqda.

Dastlabki ma'lumotlarga ko‘ra, hududda kamida 50 marta o‘q ovozi yangragan. Hujumda avtomat quroldan foydalanilgan.

Voqea joyiga vertolyotlar yetib kelib, jarohatlanganlarni evakuatsiya qilish ishlari boshlangan.

Ayni vaqtda hududda huquq-tartibot organlari xodimlari ish olib borishmoqda.

Mavzuga oid
Top