Қатарга қарши ўйиндаги мағлубиятдан кейин Жанубий Корея мураббийи ишдан бўшатилди

Спорт 15 Июнь 2017 10514

ЖЧ-2018 саралашининг 8-турида Қатарга қарши ўйиндаги мағлубиятдан кейин Жанубий Корея мураббийи Ули Штилике истеъфога чиқарилди.

Жанубий Корея Футбол Ассоциацияси техник қўмитаси раиси Ли Юн-Су матбуот анжуманида германиялик мутахассис Ули Штилике ишдан бўшатилгани ҳақида маълум қилди. Бу ҳақда Корея матбуотига асосланган ҳолда Франс Пресс агентлиги хабар тарқатди. 

Ушбу мутахассис 2014 йилнинг сентябрида терма жамоага бош мураббий этиб тайинланганди, у терма жамоада 2 йилу 9 ой ишлади ва 25 ғалаба, 5 дуранг ҳамда 8 мағлубият қайд этди. Бу эса 1979 йилдан буён энг яхши кўрсаткич (Фақат Жанг Кюн-Хваннинг натижаси бундан яхшироқ). Мураббий билан шартнома 2018 йилги жаҳон чемпионатигача тузилганди.

Штилике терма жамоа билан Осиё Кубоги финалида ўйнади, икки марта Шарқий Осиё Кубогида ғолиб чиқди.

Лекин кореяликлар 2018 йилги жаҳон чемпионати саралашида Эрон, Хитой ва Қатар терма жамоаларига қарши сафар ўйинларида ютқазди, Сурияга қарши ўйинда дуранг қайд этилди, ўз майдонидаги ўйинларда ҳам қийин ғалабаларга эришди.

Айни пайтда Жанубий Корея ЖЧ-2018 саралашининг А гуруҳида 13 очко билан иккинчи ўринда бормоқда. Қатарга қарши ўйиндаги мағлубият кореяликлар учинчи ўриндаги Ўзбекистон терма жамоасидан узоқлашиб кетишига имкон бермаганди.

Эслатиб ўтамиз, 14 июнь куни Қатар терма жамоаси бош мураббийи Хорхе Фоссати истеъфога чиққанди.

Кун янгиликлари
Давлат ва ОАВ: Ахборот майдонида ҳаммага тенг шароит яратилиши керак
22:00 / 16.08.2017 6740 Ўзбекистон
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 24325 Жаҳон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 56618 Жаҳон
Ўзбекистон 2019 йилдан хорижга чиқиш паспортларини жорий этади
17:00 / 16.08.2017 37786 Ўзбекистон
Кун.uz офис изламоқда
15:48 / 06.08.2017 38817 Lifestyle
Асака туманида тергов идорасидан яшириниб юрган шахс қўлга олинди
Ахборот технологиялари вазирлигининг ҳарбий хизматчилари суғурталанади
Хорижлик сайёҳлар учун виза тартиботлари босқичма-босқич соддалаштирилади
Солиқ ва молия органлари раҳбарларига устама ҳамда жарималар миқдори тасдиқланди
«Барселона»: Биз улар билан шартнома имзолашга яқинмиз
10:56 888 Спорт
Кўпроқ янгиликлар