ТДИУ ва Вайоминг университети ҳамкорлигида семинар-тренинг ўтказилди

Жамият 30 Июнь 2017 1350

2017 йил 20 апрелда Ўзбекистон Республикаси Президенти Шавкат Мирзиёевнинг “Олий таълим тизимини янада ривожлантириш чора-тадбирлари тўғрисида”ги қарори  ижросини таъминлаш, Олий таълим тизимида ўз йўналишлари бўйича дунёнинг етакчи илмий-таълим муассасалари билан яқин ҳамкорлик алоқалари ўрнатиш, ўқув жараёнига илғор хорижий тажрибаларни жорий этиш, айниқса, истиқболли педагог ва илмий кадрларни хорижнинг етакчи илмий-таълим муассасаларида стажировкадан ўтказиш ва малакасини ошириш ишларини янада такомиллаштириш мақсадида жорий йилнинг 27-30 июнь кунлари Тошкент давлат иқтисодиёт университетити ва АҚШнинг Вайоминг университети ўртасидаги ҳамкорлик алоқалари доирасида “Актив ва интерфаол таълимни ривожлантириш тизими” мавзусида семинар-тренинг ўтказилди.

Семинар-тренингни Вайоминг университети профессори Жанел Силей ҳамда университет докторант-тадқиқотчиси Дилноза Хасилова олиб борди. Ушбу халқаро университетлараро семинар-тренингда Тошкент давлат иқтисодиёт университетитининг 40 нафар профессор-ўқитувчилари иштирок этишди.

Семинарнинг биринчи кунида профессор Жанел Силей актив ва интерфаол таълим технологиялари, курс ва баҳолаш топшириқларини тузиш, мослаштирилган аудиторияларда дарс жараёнларини ташкил этиш, яъни маърузани уй вазифа тарзида талабаларга бериш ва интерфаол таълимнинг ўқув хонасидаги амалий натижалари ҳақида кичик ва йирик гуруҳларда талабаларни муҳокамага қандай жалб қилиш ва ушбу жараёнда қандай самарали саволлар тайёрлаш хусусида тренинг ташкил этилди.

Семинар-тренингнинг навбатдаги кейинги кунларида эса, яна бир қатор муҳим масалалар жумладан, актив тақдимот ва топшириқлар ёзиш, танқидий фикрлашни топшириқларда қўллай олиш, гуруҳларда талабаларнинг фаол иштирокини таъминлаш, талабалар билимини баҳолаш жараёнларида ҳам турли интерфаол ўйинларни татбиқ этиш юзасидан тренинглар ўтказилди.

Ҳар бир қатнашувчи ҳам ўз ғоялари билан актив ва интерфаол таълимни дарсда қандай татбиқ этишлари борасида ўзаро фикрлар алмашишди. Тренинг натижасида профессор-ўқитувчилар Вайоминг университети профессор-ўқитувчилари билан онлайн тизимда ўзаро ҳамкорлик ишларини янада самарали ташкил этиш хусусида ҳам келишиб олинди. 

ТДИУ халқаро алоқалар бўлими бошлиғи Н.Зуфарова семинар-тренинг аъло даражада ўтказилгани ва бу жараён мунтазам  давом этишини таъкидлади. Семинар – тренинг якунида иштирокчилар халқаро сертификатлар билан тақдирландилар.

Халқаро алоқалар бўлими бошлиғи - Н. Зуфарова

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 36305 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 76200 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 11692 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 142470 Жамият
Мирзо Улуғбек туманида маъмурий назорат қоидаларини бузган шахс қўлга олинди
10:46 158 Жамият
Австралия бош вазири Барселонадаги теракт туфайли махсус стратегия ишлаб чиқилишини маълум қилди
10:40 134 Жаҳон
Бразилияда мушт қилиб турган қўл кўринишидаги булут одамларни хавотирга солди
10:36 2127 Жаҳон
Абитуриент ҳикояси: “Мен ўқув маркази томонидан алдандим”
10:34 1504 Lifestyle
Швециялик яҳудий Фаластинга пиёда жўнади
10:19 686 Жамият
Чимёнда қидирув-қутқарув ишлари олиб борилди
10:12 1454 Жамият
Кўпроқ янгиликлар