Filippin prezidenti Rodrigo Duterte ma'lum qildiki, mamlakatda joriy etilgan harbiy vaziyatni tanqid qiluvchilar qamalishi mumkin.
AFP xabariga ko‘ra, yaqin vaqt ichida Filippin Oliy sudi mamlakatda harbiy holat e'lon qilinishi qonuniyligi bo‘yicha qaror chiqarishi kerak.
«Bu Oliy sudning qaroriga bog‘liq emas. Ularga ishonishim kerakmi? Men vaziyat xaotik holatda qolayotganini ko‘rib turibman, sizlar esa mendan harbiy holatni bekor qilishimni so‘raysizmi? Unda men sizni hibsga olaman va qamoqqa tashlayman», — degan prezident.
Bundan avvalroq, IShID jangarilari tufayli Maravi shahrini qariyb 400 ming kishi tark etgani xabar qilingandi.
23 may kuni Mindanao viloyatida IShID ta'siridagi jangarilar bilan to‘qnashuvlar boshlangach, prezident mamlakatda harbiy holat e'lon qilgan.
