Кремль қароргоҳлари масаласида АҚШни "сабри тугаётганидан" огоҳлантирди

Жаҳон 03 Июль 2017 27415

Вашингтондан Россия элчихонасининг Нью-Йорк ва Мэриленд штатларидаги қароргоҳлари ёпилиши масаласини ҳал қилишни кутаётган Россия ҳукуматининг сабри тугамоқда, деб огоҳлантирди Россия президенти матбуот котиби Дмитрий Песков.

Песковнинг айтишича, агар иш жавоб чоралари кўришгача борса, улар АҚШ ҳаракатларига монанд бўлади, бироқ улар айнан қандай бўлиши кераклигини ташқи ишлар вазирлигидан сўраш керак.

28 июнда Россия ташқи ишлар вазирлигининг расмий вакили Мария Захарова "Россия 1" телеканалига берган интервьюсида жавоб чоралари тайёрланаётгани ва улар "салмоқли" бўлишини айтганди.

"Жавоб чоралари тайёрланмоқда. Бу, албатта, фақатгина ташқи ишлар вазирлигида ҳал қилинмайди", деб айтганди Захарова.

2016 йил декабрда АҚШ ўз ҳудудидан 35 нафар россиялик дипломат ва уларнинг оилаларини чиқариб юборганди ва Россия элчихонасининг Нью-Йорк ва Мэриленддаги қароргоҳларини ёпиб қўйганди. Ўшанда Россия АҚШ президенти Дональд Трамп ўз лавозимини бажаришга киришиб, бу масалани ҳал қилишини кутган ҳолда жавоб чоралари кўришдан ўзини тийган.

Бироқ Оқ уйга Трамп келгандан кейин ҳам вазият ўзгармай қолмоқда. 2017 йил май  ойида "Коммерсантъ" нашри ўз манбаларига таяниб, АҚШнинг бу ҳаракатларига жавоб чораси тариқасида АҚШ элчихонасининг Серебренний Бордаги дала ҳовлиси, Дорожная кўчасидаги омбори ва ҳаттоки АҚШ элчиси қароргоҳи "Спасо-хаус" ёпилиши мумкинлигини маълум қилганди.

"Агар Владимир Путин ва Дональд Трамп ўртасида июлдаги учрашувдан кейин ҳам вазият ўзгармаса, унда Россия акс чоралар кўриш ҳақида жиддий ўйлаб кўради", деб айтганди нашр манбалари.

29 июнда Guardian нашри Трамп АҚШ Россияга нисбатан борадиган ён босишлар рўйхатини тайёрлашни буюрганини маълум қилганди. Вариантлар орасида Россия қароргоҳларининг қайтарилиши ҳам тилга олинган.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 82469 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 42649 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 49169 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8316 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19324 Ўзбекистон
Олий лига. «Пахтакор» Самарқандда очко йўқотди
21:12 561 Спорт
Ўзбекистон ва Қирғизистон томони туризм соҳасида алоқаларни чуқурлаштиришга келишиб олишди
Канада авиакомпанияси самолётининг 200 дан кўпроқ йўловчиси багажсиз қолди
21:00 669 Жаҳон
Шарлотсвиллдаги тўқнашувлар қурбонининг онаси Трамп билан суҳбатлашишдан бош тортди
20:40 863 Жаҳон
B1 ва ундан юқори сертификат билан бакалавриатга ўқишга киришда чет тилидан озод қилинади
Кўпроқ янгиликлар