Ўзбекистон Президентининг 2017 йил 5 июлдаги ПФ-5109-сонли фармонига мувофиқ, Музаффар Ҳолдорбоевич Солиев Ўзбекистон Республикаси Уй-жой коммунал хизматлар вазири этиб тайинланди. Бу ҳақида давлат раҳбари сайтида хабар берилди

Музаффар Ҳолдорбоевич Солиев бунга қадар мудофаа вазирининг шахсий таркиб билан ишлаш бўйича ўринбосари лавозимида фаолият юритган. 

Ўзбекистон Республикаси Уй-жой коммунал хизматлар вазирлиги жорий йилнинг апрель ойида Президент фармонига кўра ташкил қилинган бўлиб, унинг биринчи вазири Э.Искандаров бошқа ишга ўтиши муносабати билан лавозимидан озод этилган.